რაფაელი: მე "რეალში" დავრჩები
სამეფო კლუბის ჰოლანდიელმა ფეხბურთელმა, რაფაელ ვან დერ ვაარტმა განაცხადა, რომ იგი მომავალ სეზონს კვლავ რეალში გაატარებს და ყველანაირი ინფორმაცია მისი აბარგების შესახებ ჟურნალისტების მოგონილი ჭორია...
"ჩემთვის მადრიდი მეორე სახლია და არსად არ ვაპირებ წასვლას. ესპანეთის დედაქალაქში თავს კარგად ვგრძნობ და ვთვლი, რომ მსოფლიოს საუკეთესო კლუბში მიწევს ასპარეზობა, რომელიც ასევე მსოფლიოს ყველაზე ჭკვიანმა მწვრთნელმა ჩაიბარა."
"მადრიდის რეალი მომავალ წელს გაცილებით უფრო ძლიერი იქნება და დარწმუნებული ვარ ჩვენ შევძლებთ ტიტულების მოპოვებას, ჟოზე მოურინიოსთან ერთად."
"პორტუგალიელ სპეციალისტთან აქამდე არასდროს მქონია შეხება და მას პირადად არ ვიცნობ, მაგრამ მისი შედეგებიდან და გაწვრთნილი კლუბების შედეგებიდან გამომდინარე კარგად ჩანს, რომ იგი ნომერი პირველი დამრიგებელია დღესდღეობით."
"მსოფლიო ჩემპიონატის დასრულების შემდეგ მე შევუერთდები ესპანურ გრანდს და დავიწყებ მზადებას მომავალი სეზონისთვის, რომელიც დარწმუნებული ვარ ტიტულებით დახუნძლული იქნება."
"ჰოლანდიის ნაკრებს ძალიან კარგი ტემპი აქვს აღებული და ჩვენ არ ვაპირებთ ამ ტემპის დაგდებას. მსოფლიო ჩემპიონატის უდავო ფავორიტები ვართ და ვეცდების გავამართლოთ ეს სტატუსი. ჩვენ ამის ძალა ნამდვილად გვაქვს, რადგან ამ ნაკრებში შეკრებილია შესანიშნავი კოლექტივი, რომელსაც თავისუფლად შეუძლია ჩემპიონობისთვის ბრძოლა."
- 5 ივნისი 2010
- 1809
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
