მადრიდის „რეალის“ ლიდერს, ტონი კროოსს დღეს დაბადების დღე აქვს...

გერმანელ მოთამაშეს 31 წელი შეუსრულდა. ტონი „მერენგების“ სადარაჯოზე 2014 წლიდან მოყოლებული დგას და 299 ჩატარებულ მატჩს მოითვლის, სადაც 20 გოლის გატანა და 55 საგოლე გადაცემის გაკეთება შეძლო.

„ბლანკოსთან“ ერთად კროოსს 14 ტიტული აქვს მოგებული, მათ შორის არის 3 ჩემპიონთა ლიგის და 2 ლა ლიგის თასი.

აუცილებლად უნდა აღინიშნოს, რომ ჩატარებული მატჩების რაოდენობის მიხედვით, ტონი „მერენგების“ რიგებში მეორე გერმანელია, ის მხოლოდ შტილიკეს ჩამორჩება, რომელსაც 308 მატჩი აქვს გამართული, თუმცა ეჭვი არავის ეპარება, რომ მიმდინარე სეზონში კროოსი ამ რეკორდს აუცილებლად გააუმჯობესებს, ვინაიდან მხოლოდ 10 მატჩის ჩატარებაა საჭირო.
������� dle 10.1������� ������� ������