ესპანური გამოცემების ცნობით, ზინედინ ზიდანმა და სამეფო კლუბის ხელმძღვანელობამ ისკო ალარკონთან დაკავშირებით გადაწყვეტილება მიიღო.

ზიზუს ჯერ კიდევ სწამს იმის, რომ ესპანელი ფეხბურთელის ფორმაში შეყვანა შეიძლება და ეს ჩავარდნა ადრე თუ გვიან დასრულდება, თუმცა თავად ალარკონი სერიოზულად განიხილავს „მერენგების“ რიგების დატოვების საკითხს.

სწორედ აღნიშნულიდან გამომდინარე, „რეალმა“ გადაწყვეტილება მიიღო, რომელიც ისკოს თავისუფლებას აძლევს.

თუ ნახევარმცველი იანვარში ახალ კლუბს ნახავს, რომელიც სამეფო კლუბის ფინანსურ მოთხოვნებსაც დააკმაყოფილებს, შეთანხმება 2021 წლის დასაწყისშივე შედგება და მოთამაშეს კლუბის დატოვებაში ხელს არავის შეუშლის.

თუ მოვლენები ზემოაღნიშნული სცენარით არ განვითარდება, ზიზუ ყველაფერს გააკეთებს იმისათვის, რომ ისკო მომდევნო თვეებში ძველ ფორმას დაუბრუნდეს და გუნდისთვის გამოსადეგარი ფეხბურთელი გახდეს, თუმცა ზაფხულში მისი წასვლის საკითხი კვლავ დადგება დღის წესრიგში.������� dle 10.1������� ������� ������