ზიდანი:,,მადრიდული დერბის წინ ერთი კარგი ამბავი მაქვს"
ზინედინ ზიდანმა „ატლეტიკოსთან“ მატჩის წინ პრესკონფერენცია გამართა.
„მადრიდული დერბი სატურნირო თვალსაზრისით ძალიან მნიშვნელოვანია, ამიტომ ფეხბურთელები ყველაფერს გააკეთებენ გამარჯვების მისაღწევად. ჩემმა გუნდმა ზუსტად ისე უნდა ითამაშოს, როგორც ჩემპიონთა ლიგაზე.“
„„ატლეტიკო“ ტურნირის ფავორიტია. შეხედეთ სიმეონეს გუნდის შედეგებს და დამეთანხმებით. ჩვენ ყველაფერს გავაკეთებთ იმისათვის, რომ აქტივში 3 ქულა ჩავიწეროთ და „როხიბლანკოს“ კიდევ უფრო წინ გასვლის საშუალება არ მივცეთ.“
„ყველა მწვრთნელს აქვს საკუთარი დამახასიათებელი ნიშნები და თვისებები. როდესაც სამწვრთნელო პრაქტიკას გავდიოდი, დიეგოსთანაც მქონდა შეხება, მისგან ბევრი რამ ვისწავლე.“
„მარვინი და არიბასი ყოველთვის მზად უნდა იყვნენ და ბევრი იმუშავონ, ორივე ახალგაზრდაში დიდ პერსპექტივას ვხედავ და როდესაც საშუალება იქნება მოედანზე გასვლის უფლებას აუცილებლად მივცემ.“
„ჩვენ ლა ლიგის მოქმედი გამარჯვებულები ვართ და დანებებას არ ვაპირებთ, სამეფო კლუბი ყველაფერს გააკეთებს ესპანეთის ჩემპიონის ტიტულის მოსაპოვებლად. ვიცით, რომ „ატლეტიკოსთან“ დაპირისპირებას უდიდესი მნიშვნელობა აქვს. ისიც ვიცი, რომ ზეწოლა დიდია და თუ წავაგებთ, ჩემს თანამდებობას ჟურნალისტები ისევ ეჭვქვეშ დააყენებენ, თუმცა სიმშვიდის შენარჩუნება შემიძლია და ვთვლი, რომ ეს პროფესიონალიზმის ერთ-ერთი ნიშანია.“
„ისკოს და მარსელოს მიმართ ნდობა არ დამიკარგავს, ორივე მოთამაშე მნიშვნელოვან ფიგურას წარმოადგენს, ისინი კიდევ ბევრჯერ გამოჩნდებიან მოედანზე.“
„„როხიბლანკოს“ ტაქტიკა საყოველთაოდ ცნობილია. ყველამ ვიცით, რა სტილით თამაშობს სიმეონე, ეს არის მისი ნიშა, რომელიც არასდროს იცვლება. თუ წარმატება გვსურს, მეტოქეს საკუთარი ფეხბურთი უნდა მოვახვიოთ თავს.“ „მარკოს ლორენტემ „ატლეტიკოში“ ძალიან მოუმატა, მაგრამ ეს არ გამკვირვებია. ყოველთვის ვიცოდი, რომ ესპანელ ნახევარმცველს გაცილებით მეტი შეეძლო და სხვა პოზიციებზე თამაშიც გამოსდიოდა.“
„ერთი კარგი ამბავი შემიძლია დაგიდასტუროთ. ვალვერდე და დანი კარვახალი ჩვენთან ერთად იქნებიან, ფედეს აღდგენითი პროცესი მართლაც რეკორდულ დროში სრულდება.“
„სულაც არ გამოვრიცხავ, რომ როტაცია დერბიშიც იყოს. მუდმივი ტრავმედიდან გამომდინარე მიმდინარე სეზონში არაერთი მომიწია გუნდის გადაწყობა.“
„სიმეონეს გუნდთან წაგება ჩემპიონობის დაკარგვას არ ნიშნავს, მაგრამ ჩვენი შანსები ამ შემთხვევაში მნიშვნელოვნად შემცირდება, ამიტომ წაგებას არ განვიხილავთ, ჩვენ მოსადანზე მაქსიმუმს გავიღებთ.“
- 11 დეკემბერი 2020
- 3294
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
