ზიდანი:,,ბენზემა საოცარი ფეხბურთელია"
ზინედინ ზიდანმა „გლადბახის“ დამარცხების შემდეგ პრესკონფერენცია გამართა...
„ჩვენ ზუსტად ვიცოდით, რა დონის თამაში გველოდა და მაქსიმალურად ორგანიზებული ფეხბურთი ვაჩვენეთ მაყურებელს. ჯგუფში პირველი ადგილის დაკავება მარტივი არ ყოფილა, მაგრამ ამაყი ვარ და ყველა ფეხბურთელს მადლობას ვუხდი.“
„ლუკა მოდრიჩის წარმატების საიდუმლო პროფესიონალიზმში იმალება, ხორვატი არნახულად ბევრს შრომობს. მას არაერთხელ უთქვამს, რომ კარიერის დასრულება მადრიდში სურს, ისევე როგორც მე.“
„სიმართლე გითხრათ, რთული მომენტები მომწონს, ვინაიდან უფრო ვძლიერდები და მობილიზებული ვხდები. შეცდომებზე მხოლოდ უნდა ვისწავლოთ და არ უნდა ვინერვიულოთ.“
„დანამდვილებით შემიძლია გითხრათ, რომ არ ვიქნები „რეალის“ ახალი ფერგიუსონი, თუმცა არც ის ვიცი, როდის დავტოვებ თანამდებობას. „რეალის“ მწვრთნელის პოსტზე გატარებული ყველა დღე დიდი ბედნიერებაა.“
„დღეს მე დიდი სიამოვნება მივიღე, როგორც ფეხბურთის გულშემატკივარმა. ნამდვილად ვერ გეტყვით, რა რჩევები მივეცი გუნდს თამაშის წინ, მაგრამ შემიძლია გითხრათ, რომ თამაშის შემდეგ გასახდელში ყველას ვუთხარი, რომ გმირები არიან და მათით ყოველთვის ვიამაყებ.“
„ლუკა მოდრიჩი ყველაფერს იმსახურებს, მათ შორის კონტრაქტის განახლებას.“
„გრძნობები შესანიშნავია, ოპტიმიზმით ვარ სავსე და მჯერა, რომ წინსვლა გაგრძელდება. ზეწოლას ბუნებრივ მოვლენად მივიჩნევ, ვინაიდან სამეფო კლუბს ყოველთვის გამარჯვებას სთხოვენ. ჩვენ „სევილია“ დავამარცხეთ, ახლა კი „გლადბახთან“ ვაჩვენეთ დამაჯერებელი თამაში. ახლა დასვენების დროა, შემდეგ კი „ატლეტიკოსთან“ მატჩზე გადავერთვებით.“
„ის, რასაც ბენზემა აკეთებს შთამბეჭდავია. ფრანგს შეუძლია საუკეთესო „9“-იანობა, „10“-იანობა და ასე შემდეგ.“
- 10 დეკემბერი 2020
- 5577
- 33
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
