კაზემირო:„ყველას პირობას გაძლევთ, რომ ზიდანს ამის უფლებას არავინ მისცემს“
კაზემირომ „გლადბახთან“ მატჩის წინ პრესკონფერენცია გამართა.
„ყველაფერს გავიღებთ მოსაგებად. ვიცით, რომ ხვალ ფინალი გველის, „რეალი“ კი ფინალურ მატჩებში ყოველთვის მოწოდების სიმაღლეზე დგას. ზუსტად ვაცნობიერებთ, რამხელა მნიშვნელობა აქვს 3 ქულის აქტივში ჩაწერას.“
„ზიდანი გენიალური ადამიანი და მწვრთნელია, მას ექსტრემალურ სიტუაციაში უწევს მუშაობა. ყველამ კარგად ვიცით, რომ კორონავირუსის გამო უჩვეული სიტუაციაში ვართ. პრე-სეზონი, სეზონის სტარტი, სანაკრებო შესვენბები და ასე შემდეგ. ეს ყველაფერი გუნდზე მოქმედებს. ჩვენ ვიცით, რომ იდეალური მწვრთნელი გვყავს, ფრანგ სპეციალისტს წასვლის საშუალებას „ბლანკოსის“ არცერთი ფეხბურთელი არ მისცემს, ის ჩვენს გვერდით უნდა იყოს.“
„საკუთარ თავზე ვართ დამოკიდებულები და გვჯერა, რომ გავიმარჯვებთ. დიახ, ზეწოლა დიდია, თუმცა ეს მხოლოდ გაგვაძლიერებს.“
„არ ვაპირებ გითხრათ ის, რაზეც ზიზუ გასახდელში გვესაუბრება, ეს ჩვენი შიდა საკითხია. ყველაფერს მოედანზე იხილავთ. „რეალი“ ბოლომდე დაიხარჯება.“
„ჩვენ ადამიანები ვართ და არა მანქანები. დიახ, „რეალის“ ღირსების დაცვა მარტივი არასდროსაა, ვინაიდან ყოველთვის მოგებას გვთხოვენ. ხანდახან ჩავარდნებიც იქნება, მაგრამ მერწმუნეთ, რომ ყველაფერი საუკეთესო წინ გვაქვს.“
„რამოსი გუნდის ლიდერი და კაპიტანია. მე ვფიქრობ, რომ სერხიო მსოფლიო ფეხბურთის ისტორიის ერთ-ერთ საუკეთესო ფიგურას წარმოადგენს. ნაჩომ და ვარანმა ბევრი იშრომეს, თუმცა როდესაც კაპიტანი მწყობრშია, ის ყოველთვის სასტარტოში დგას.“
„მე მსურს ჩემპიონთა ლიგაზე წარმატების მიღწევა, თუმცა თუ მესამე პოზიციას დავიკავებთ და ევროპის ლიგაზე მოვხვდებით, იქაც ბოლომდე დავიხარჯებით.“
„როტაცია გარდაუვალია. ის, რომ ხანდახან სათადარიგოთა სკამზე ჯდომა მიწევს, მწვრთნელის გადაწყვეტილებაა. ის რესურსს უფრთხილდება და ამაში გასაკვირს ვერაფერს ვხედავ.“
- 8 დეკემბერი 2020
- 1900
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
