ზიდანი ტრანსფერებს ითხოვს
როგორც სჩანს, შეტევაზე ზინედინ ზიდანიც გადავიდა, რომელსაც აქამდე მხოლოდ ფლორენტინო პერესის გაფრთხილების მოსმენა უწევდა.
ფრანგი სპეციალისტის აზრით, „ბლანკოსს“ მნიშვნელოვანი შენაძენები სჭირდება.
ესპანური გამოცემების ცნობით, ზიზუმ პერესს განუცხადა, რომ თუ ტრანსფერები არ იქნება, სეზონს მადრიდში დაამთავრებს, შემდეგ კი უფლებამოსილებას იმ ადამიანს გადაულოცავს, რომელსაც „მერენგების“ ხელმძღვანელობა აირჩევს.
ზიდანი არსებულ შემადგენლობაში პერსპექტივას ვეღარ ხედავს და ტრანსფერებში სოლიდური თანხის დახარჯვას ითხოვს.
„მარკას“ არაერთი ანალიტიკოსი დანანებით ამბობს, რომ მადრიდის „რეალში“ შემადგენლობის მხრივ კრიზისი პირდაპირ დაემთხვა ზიზუს გუნდში თაობათა ცვლის პროცესს, რაც გაცილებით უფრო მტკივნეულად მიმდინარეობს. არსებული მდგომარეობა თუნდაც 2-3 წლის რომ ყოფილიყო, ზიდანი გაცილებით პროდუქტიული გუნდის მწვრთნელი იქნებოდა, ვინაიდან გაცილებით ახალგაზრდები იქნებოდნენ მარსელო, მოდრიჩი, რამოსი, კროოსი, ბეილი, კაზემირო, და სხვები.
- 5 დეკემბერი 2020
- 2115
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
