ესპანური საინფორმაციო წყაროების ცნობით, დავიდ ალაბასთვის ბრძოლაში „რეალს“ კონკურენციას „იუვენტუსიც“ გაუწევს. „ბაიერნიდან“ წასვლა ავსტრიელს გადაწყვეტილი აქვს, აქედან გამომდინარე, ევროპულ გრანდებს ნამდვილი ნადირობა აქვთ გამოცხადებული.

დავიდი 2021 წლის 30 ივნისს თავისუფალი აგენტის სტატუსს მიიღებს და მსურველ კლუბს უფასოდ შეუერთდება.

აქამდე პრეტენზიას „სიტი“, „რეალი“, „პსჟ“ და „ბარსელონა“ გამოთქვამდნენ, ახლა კი მსურველთა სიაში ანდრეა პირლოც ჩაეწერა.

დავიდის მოთხოვნა წლიურად მინიმუმ 15 მილიონი ევროა. ფლორენტინო პერესის შეთავაზება კი ამ ეტაპზე 8 მილიონს შეადგენს, თუმცა სამეფო კლუბი განაპირა მცველს 4 წლიან კონტრაქტს სთავაზობს.

Defensacentral-ის ინფორმაციით, ალაბას გადაწყვეტილებას მხოლოდ ხელფასი ვერ განაპირობებს, ვინაიდან ამ შემთხვევაში „სიტის“ და „პსჟ“-ს კონკურენტი ვერ ეყოლებოდა.

ფაქტია, რომ რამდენიმე თვეში დავიდის ირგვლივ მოვლენები ძალიან საინტერესოდ განვითარდება.������� dle 10.1������� ������� ������