იტალიური გამოცემა - La Gazzetta Dello Sport იუწყება, რომ მადრიდის „რეალი“ აშრაფ ჰაკიმის „ინტერში“ გადასვლას ნანობს და 2021 წელს ფეხბურთელის დაბრუნებას აპირებს.

კარვახალის მძიმე ტრავმის ფონზე მისი სრულფასოვანი შეცვლა ვერც ალვარო ოდრიოზოლამ და ვერც ნაჩო ფერნანდესმა მოახერხა.

„ელ კლასიკოში“ მარჯვენა ფლანგზე ლუკას ვასკესის გამოყენების საჭიროება დადგა, რომელიც მცველი სულაც არ არის.

ფლორენტინო პერესი ხვდება, რომ კარვახალსაც ასაკი ემატება და ჰაკიმი ამ ეტაპზე იდეალური ვარიანტი იქნებოდა, ვინაიდან ის ასაკითაც შედარებით პატარაა და უმაღლესი კლასის სტატუსს უკვე ფლობს.

გარდა ამისა უნდა აღინიშნოს, რომ აშრაფი თანაბრად ეფექტურია როგორც დაცვის მარჯვენა, ასევე მარცხენა ფლანგზე, აქედან გამომდინარე, მისი შეძენა ყველა ვარიანტში მომგებიანი იქნება.

აღნიშნულ წყაროზე დაყრდნობით, „რეალისა“ და „ინტერის“ შეთანხმებაში დევს რამდენიმე პუნქტი, რომელიც „ბლანკოსს“ ხელს აძლევს, თუმცა პერესს მასში საკმაოდ დიდი თანხის გადახდა მოუწევს.

დაველოდოთ მოვლენათა განვითარებას...������� dle 10.1������� ������� ������