ზიდანი:„„ბარსელონასთან“ მატჩში ჩვენი მიზანი მოგება იქნება“
ზინედინ ზიდანმა „ელ კლასიკოს“ წინ პრესკონფერენცია გამართა...
„ძალიან კარგად ვიცით, რა დონის მატჩი გველის წინ. „ელ კლასიკო“ ყოველთვის საინტერესოა. დიახ, უჩვეულო მატჩი გველის, ვინაიდან სტადიონზე ქომაგები არ იქნებიან, მაგრამ ინტრიგა მაინც დიდია.“
„გვსურს, არსებული ვითარება შევცვალოთ და გვეძლევა ბრწყინვალე შანსი იმისა, რომ „ნოუ კამპზე“ გამარჯვება მოვიპოვოთ. „ელ კლასიკოში“ ერთმანეთის წინააღმდეგ ორი დიდი გუნდი თამაშობს და ვერასდროს გაიგებ რა მოხდება.“
„სერხიო ჩვენთან ერთად იქნება, რადგან ის 100%-ით გამოჯანმრთელდა. კაპიტანს რომ პრობლემები ჰქონდეს რისკზე არ წავიდოდი, რადგან მას დიდ პატივს ვცემ.“
„ზედიზედ 2 თამაში წავაგეთ, თანაც ისე რომ მომენტებსაც ვერ ვქმნიდით. ჩემი აზრით, სიტუაცია გამოსწორებადია, მხოლოდ მუშაობაა საჭირო და ყველაფერს მივაღწევთ.“
„უნდა ვიფიქროთ პოზიტიურად და ვეცადოთ საუკეთესო ფეხბურთი ვითამაშოთ. ეს იქნება მომენტი, სადაც მთელი მსოფლიოს ყურადღება „კოუ კამპისკენ“ იქნება მიპყრობილი.“
„თუ „ელ კლასიკოს“ წავაგებთ, მე დასკვნებს გამოვიტან. მერწმუნეთ, სიტუაციის რეალურად შეფასება არ მიჭირს.“
„სულ რაღაც 48 საათი გვქონდა იმისათვის, რომ „ბარსელონასთან“ მატჩისთვის მოვმზადებულიყავით. საბედნიეროდ, ჩემ ფეხბურთელებს ვენდობი და მათ ძალაში ეჭვი 1 წამითაც არ შემაქვს, მათ შეუძლიათ დიდი ფეხბურთის ჩვენება და აქტივში 3 ქულის ჩაწერა.“
„თვითკრიტიკა ხანდახან აუცილებელიც არის. ყოველთვის ვიაზრებ, როგორც საკუთარ, ასევე გუნდის შეცდომებს და ვცდილობ, ვითარება დავძლიო.“
„„ბარსელონა“ ძალიან დიდი გუნდია. კუმანის კოლექტივსაც ისე სურს გამარჯვება, როგორც ჩვენ. კატალონიელები მინდორზე დიდი შემართებით გამოვლენ და ყველა ბურთისთვის ბოლომდე იბრძოლებენ. „ბარსელონას“ ნებისმიერ დროს შეუძლია საქმის გართულება, ვინაიდან კარგი მოთამაშეებით დაკომპლექტებული გუნდია.“
„გუნდი 90 წუთის მანძილზე იხარჯებოდა და ასეც ახლა იქნება. წარსულში ყურება არ გვსურს, მხოლოდ წინ ვუყურებით და გვჯერა საკუთარი შესაძლებლობების.“
„აღმასვლა და ვარდნა მხოლოდ ჩემს ეპოქაშიც რამდენჯერმე ყოფილა. ეს ფეხბურთის და წარმატებასთან ერთად წარუმატებლობა თანმდევ მოვლენად უნდა ჩავთვალოთ. ნერვიულობა არ ღირს, მთავარია მუშაობა.“
„გუნდის მხარდაჭერას 100%-ით ვფლობ. ის, რაც ამ კლუბთან ერთად მოვიგე სწორედ ფეხბურთელების დამსახურებაა, რომელთა უმატესობაც დღესაც „ბლანკოსის“ ღირსებას იცავს. ძალიან მნიშვნელოვანია, რომ ჩემს ბიჭებს მოტივაციით აღსავსეს ვხედავ, ვინაიდან პრობლემები ერთად უნდა დავძლიოთ. მათთან ერთად ვიდგები ბოლომდე.“
„ხანდახან უარყოფითი ასპექტების პოზიტიურად ქცევაც შესაძლებელია. შეცდომებზე სწავლის შემდეგ უფრო იხვეწები და მეტი შეგიძლია.“
„გასულ ორ თამაშში ბევრი რამ გვაკლდა, ახლა ვითარება უნდა შევცვალოთ და სრულფასოვანი ფეხბურთი ვაჩვენოთ საზოგადოებას.“
„არც უარვყოფ და არც ვადასტურებ ჩემი მომავლის შესახებ გავრცელებულ ინფორმაციებს. მე ვარ მთავარი მწვრთნელი და ყველაფერს გავაკეთებ გუნდის წარმატებისთვის.“
- 23 ოქტომბერი 2020
- 5634
- 15
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
