„რეალმა“ „ელ კლასიკოსთვის“ მზადება დაასრულა
სამეფო კლუბის ფეხბურთელებმა „ელ კლასიკოსთვის“ მზადება დაასრულეს. „ბარსელონასთან“ დაპირისპირებისთვის ზინედინ ზიდანმა ბოლო რჩევა-დარიგებები გასცა...
ვარჯიში კოვიდ 19-ის პრევენციის ფარგლებში, მკაცრი პროტოკოლის გათვალისწინებითა და სანიტარული ნორმების დაცვით წარიმართა.
პირველ რიგში უნდა აღინიშნოს, რომ სერხიო რამოსმა გუნდთან ერთად ივარჯიშა და „ელ კლასიკოში“ აუცილებლად მიიღებს მონაწილეობას.
გახურების შემდეგ, ზიზუმ დიდი ყურადღება დაუთმო ბურთის ფლობის კომპონენტსა და კარში დარტყმებს.
მეკარეები გოლკიპერთა მწვრთნელთან ერთად ირჯებოდნენ, შემდეგ კი გუნდს შეუერთდნენ.
ტრავმირებული მოთამაშეები აღდგენით პროცესს აგრძელებენ.
„ელ კლასიკოში“ გუნდთან ერთად არ იქნებიან ედენ აზარი, ალვარო ოდრიოზოლა, დანი კარვახალი და მარტინ ოდეგორი.
შეგახსენებთ, „ნოუ კამპზე“ მატჩი თბილისის დროით 18:00 საათზე აიღებს სტარტს.
- 23 ოქტომბერი 2020
- 1531
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.