მადრიდის „რეალმა“ სპონსორებთან უკვე დაიწყო მუშაობა იმაზე, რომ მომდევნო წელს მასშტაბური სატრანსფერო კამპანია აწარმოოს. ფლორენტინო პერესის აზრით, ახლანდელი შემადგენლობა რესურსს მიმდინარე სეზონის ბოლოს ამოწურავს და რამდენიმე მაღალი კლასის ახალი სახის დამატება უმნიშვნელოვანესი იქნება.

სამეფო კლუბი 450 მილიონი ევროს მობილიზებას აპირებს, რათა უმაღლესი დონის ფეხბურთელები დაიმატოს.

ესპანური გამოცემების ცნობით, „ბლანკოსი“ ცდილობს, რომ დაახლოებით 200 მილიონიანი გრძელვადიანი სესხი აიღოს, რომლის აღებაშიც მხარდამჭერები მსხვილი სპონსორები იქნებიან.

დანარჩენი თანხის მობილიზება კი არსებული ბიუჯეტიდან მოხდება.

მიუხედავად იმისა, რომ კორონაკრიზისმა კლუბის ბიუჯეტს მსოფლიო კლუბებს შორის ყველაზე დიდი ზიანი მოუტანა და ამ ყველაფერს ბერნაბეუზე რეკონსტრუქციისთვის გამოყოფილი 575 მილიონი ევრო დაემატა, მადრიდის „რეალი“ შეჩერებას არ აპირებს.

ასევე აღსანიშნავია, რომ გასულ სატრანსფერო ფანჯარაზე, „ბლანკოსმა“ მხოლოდ შემოსავლები დააფიქსირა და მომდევნო წელს 450 მილიონის დახარჯვის შემთხვევაში ფინანსური Fair Play-ს წესებს არ დაარღვევს.

ამ ეტაპზე ზიდანის უმთავრესი მიზანი კილიან მბაპეს და ედუარდო კამავინგას გამადრიდელება იქნება. კლუბი ასევე დიდ ინტერესს იჩენს ლიონელი უსემ ოუარის მიმართაც, რომელსაც დიდ მომავალს უწინასწარმეტყველბენ.

სამეფო კლუბი ასევე არ ივიწყებს პოგ პოგბას, რომელმაც ღიად განაცხადა, რომ „რეალში“ თამაში ყველა ფეხბურთელის ოცნებაა. პოგბა 27 წლის არის და 28 წლის 15 მარტს ხდება, რაც „რეალს“ მომდევნო სეზონში მაინც უტოვებს იმ შანსს, რომ პოლი 5 წლიანი კონტრაქტით შეისყიდოს.

გადაუჭრელ პრობლემად რჩება სერხიო რამოსის შემცვლელის საკითხი. ესპანური გამოცემები ერთხმად იუწყებიან, რომ პერესს რამოსის შემცვლელის მოძიება ყველაზე მეტად გაუჭირდება, ვინაიდან რეალური კანდიდატი ფაქტობრივად არ არსებობს, დე ლიხტთან დაკავშირებით კი ახალი არაფერი ისმის. პირლო ჰოლანდიელი ფეხბურთელის გაშვებას არ გეგმავს.

საუბარია ერლინგ ჰოლანდის გამადრიდელებაზეც, თუმცა აქ სცენარი სხვაგვარია. თუ პერესი 2021-ში ნორვეგიელ ფორვარდს დაიმატებს, 1 წლით კვლავ „დორტმუნდში“ დატოვებს და მადრიდში 2022 წელს იხმობს, როდესაც ბენზემას შეცვლის საჭიროება სერიოზულად დადგება დღის წესრიგში.

როგორც ვხედავთ, 10 თვეში განსახორციელებელ გეგმებს „ბლანკოსი“ უკვე აწყობს.������� dle 10.1������� ������� ������