ზიდანი:„„რეალში“ 5 მნიშვნელოვანი სიახლე გვაქვს“
ზინედინ ზიდანმა „ლევანტესთან“ მატჩისწინა პრესკონფერენცია გამართა.
„მზად ვართ, 90 წუთის უმაღლეს დონეზე ვითამაშოთ, სხვაგვარად ფონს ვერ გავალთ, ვინაიდან „ლევანტეს“ სახით ძალიან რთული მეტოქე გვეყოლება.“
„ტრავმირებულ ფეხბურთელებთან დაკავშირებით ვწუხვარ, მაგრამ ეს ყოველთვის არის სეზონის თანმდევი მოვლენა. დროდადრო სირთულეების გადალახვას უნდა შევეგუოთ.“
„როდესაც გუნდში სირთულეებია კრიტიკოსები იღვიძებენ და ათასგვარ სირთულეებს გვაბრალებენ. მერწმუნეთ, ბედნიერი ვარ მადრიდში მუშაობით და მჯერა, რომ სულ მალე ძალიან კარგი შედეგები გვექნება.“
„ასენსიო 100%-ით მზად არის. მარკოს კარგი წელი ექნება, ამაში დარწმუნებული ვარ.“
„თამაში ყველას სურს, მაგრამ კონკრეტული მატჩის სასტარტოსთვის მხოლოდ 11 ფეხბურთელის შერჩევა შეიძლება. საკმარისი რესურსი გვაქვს, რომ როტაცია ხშირად შემოგთავაზოთ. როდესაც სეზონში 60 მატჩამდე ატარაბ ცვლილებები გარდაუვალია, ჩემი ხედვა ასეთი გახლავთ.“
„ასენსიო ძალიან ნიჭიერი ფეხბურთელია, რომელსაც რამდენიმე პოზიციაზე შეუძლია თამაში. ესპანელი მოთამაშე გაცილებით მეტ შანსს მიიღებს, ვინაიდან პრობლემები აღარ აქვს.“
„ისკო ყოველთვის მონდომებულია და ცდილობს კარგად ითამაშოს. ნამდვილად ვერ ჩავერევი ესპანეთის ნაკრების გადაწყვეტილებებში გუნდის დაკომპლექტებასთან დაკავშირებით.“
„ჰაკიმი? ის სხვა გუნდის ფეხბურთელია. რა თქმა უნდა სამწუხაროა, რომ კარვახალი და ოდრიოზოლა ერთად გამოგვაკლდნენ, მაგრამ ჩვენ პრობლემის აღმოფხვრას მოვახერხებთ.“
„აზარს კუნთების დაზიანება აქვს და გარკვეული დრო სჭირდება პრობლემის გადასაჭრელად. მთავარი ის არის, რომ ედენს სხვა მხრივ არაფერი აწუხებს და მალე დაგვიბრუნდება.“
„გუნდში 5 მნიშვნელოვანი სიახლეა. პირველი ის, რომ კარვახალი გამოგვაკლდა, მეორე ის, რომ ოდრიოზოლას ტესტის პასუხიც არასასიამოვნოა. მესამე სიახლე ბორხას წასვლაა, რომელსაც წარმატებებს ვუსურვებ. მეოთხე სიახლე კროოსის აღდგენითი პროცესის სწრაფი მიმდინარეობა გახლავთ, ხოლო მეხუთე სიახლეს ხვალ შემოგთავაზებთ, რომელიც „ლევანტესთან“ მატჩში მარჯვენა მცველს შეეხება.“
- 3 ოქტომბერი 2020
- 3096
- 5
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
