ზიდანი:„სეზონს რამდენიმე დანაკლისით ვიწყებთ, მაგრამ კარგ ფორმაში ვართ“
ზინედინ ზიდანმა „სოსიედადთან“ მატჩისწინა პრესკონფერენცია გამართა.
„გუნდი ძალიან კარგად მოემზადა. საკმარისი დრო გვქონდა და შემიძლია ვთქვა, რომ სეზონს კარგ ფორმაში დავიწყებთ.“
„ბედნიერები ვიქნებით, თუ გამარჯვებას მივაღწევთ, კარგი სტარტი ყოველთვის მნიშვნელოვანია.“
„მარტინ ოდეგორს მცირე პრობლემები ჰქონდა, თუმცა ახლა ყველაფერი წესრიგშია. ნორვეგიელი ისეთივე მნიშვნელოვანი ფიგურაა, როგორც სხვა მოთამაშეები.“
„აზარი მალე დაბრუნდება, ის 100%-ით მზად არ არის, ამიტომ რისკი გამართლებული არ იქნება.“
„გარეთ ბეილი ლონდონში იმყოფება. უელსელს საუკეთესოს ვუსურვებ, რადგან ვთვლი, რომ „ბლანკოსისთვის“ ძალიან ბევრი კარგი რამ გააკეთა. ჩვენს შორის უთანხმოება არ ყოფილა. მე ყველა ფეხბურთელისგან პატივისცემას მოვითხოვ, რადგან თავად ვცემ პატივს მათ. დამსახურებები, რომელიც გარეთს მადრიდული კლუბისადმი აქვს, მართლაც შთამბეჭდავია.“
„იოვიჩის იჯარით წასვლა ამ ეტაპზე არ განიხილება, თუმცა სატრანსფერო ფანჯრის დახურვამდე 2 კვირაზე მეტია დარჩენილი. არაფერს გამოვრიცხავ.“
„ოდეგორს აქვს ხარისხი, რომელიც მას აძლევს საშუალებას გახდეს ძალიან მნიშვნელოვანი ფიგურა გუნდში.“
„მარტინმა გასულ წლებში არნახული გამოცდილება მიიღო და ყველა კლუბში წარმატებულად გამოდიოდა, თუმცა შარშანდელ სეზონში მის მიერ „სოსიედადში“ ნაჩვენები თამაში ნამდვილად სრულყოფილი გახლდათ, ის სულ სხვა დონის მოთამაშედ ჩამოყალიბდა.“
„ასენსიომ უმძიმესი ტრავმა გადაიტანა, მაგრამ პრე-სეზონის ფარგლებში ეფექტური იყო. ეროვნულ ნაკრებში მას მუხლზე კვლავ პრობლემა შეექმნა, თუმცა ყველაფერი მალევე გამოსწორდა. მარკო მაშინ ითამაშებს, როდესაც ბოლომდე იქნება მზად.“
„სეზონს რამდენიმე სიახლით ვიწყებთ. მთელი შემადგნელობა ჩვენს განკარგულებაში ვერ იქნება. ვასკესი, ასენსიო, მილიტაო, აზარი და მარიანო დიასი ვერ დაგვეხმარებიან.“
„აუცილებლად ვეცდებით ტიტულის დაცვას, ვინაიდან ეს ჩვენთვის მნიშვნელოვანია. ბოლომდე დავიხარჯეთ და გვსურს, რომ ყველა ტიტულისთვის ბოლომდე ვიბრძოლებთ.“
„რეგილონი ძალიან მაღალი დონის მარცხენა მცველად ჩამოყალიბდა, თუმცა ჩვენს გუნდში ამ ეტაპზე ეს პოზიცია დაკავებულია. 3 მაღალი დონის მცველი მარცხენა ფლანგზე არა რესურსის ზრდას, არამედ არეულობას ნიშნავს, აქედან გამომდინარე, ესპანელს დიდ წარმატებას ვუსურვებ „ტოტენჰემში“, მან „სევილიაში“ საოცარი სეზონი ჩაატარა და არაერთი კლუბის ყურადღება მიიპყრო.“
„„სოსიედადის“ სახით ძალიან რთული მეტოქე გვყავს. ზუსტად ვაფასებ ბასკური კლუბის შესაძლებლობებს და ვთვლი, რომ გამარჯვება მარტივი არ იქნება.“
„როდრიგო პირველი გუნდის ფეხბურთელია და ჩვენთან რჩება. ბრაზილიელზე დიდ იმედებს ვამყარებ, ის კიდევ მოუმატებს.“
- 19 სექტემბერი 2020
- 4333
- 59
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
