„იუვენტუსი“ მარსელოთი ინტერესდება, მაგრამ ხელფასს 3 მილიონით უმცირებს
ტურინის „იუვენტუსმა“ მადრიდის „რეალსა“ და მარსელო ვიეირას ტრანსფერზე მიმართა, მაგრამ აღსანიშნავია, რომ „ბებერი ქალბატონის“ ხელმძღვანელობა განაპირა მცველს გაცილებით ცუდ პირობებს სთავაზობს...
იტალიელები მზად არიან, მარსელოს წლიურად 5 მილიონი ევრო გადაუხადონ, მაშინ როდესაც მისი მადრიდული სარგო 8 მილიონია.
ვიცე-კაპიტანს „მერენგებთან“ კონტრაქტი 2022 წელს ეწურება, თუმცა მისი წასვლის შესაძლებლობა ჯერ კიდევ არსებობს.
ამას გარდა ვრცელდება ინფორმაცია, რომლის მიხედვითაც, ზიდანი სერხიო რეგილონის დატოვებაზე ფიქრობს. ამ შემთხვევაში „რეალის“ დაცვის მარცხენა ფლანგზე რეგილონის, მარსელოსა და მენდის ყოფნა გამორიცხულია, რაც „იუვეს“ შანსებს ზრდის.
ტურინში მიაჩნიათ, რომ მარსელოსთვის 4 წლიანი კონტრაქტის შეთავაზება მიმზიდველი უნდა იყოს. ბრაზილიელის ასაკის ფეხბურთელისთვის მომდევნო 4 წელიწადში სერია „ა“-ში თამაშის გარანტია და 20 მილიონი ევრო ცუდი ვარიანტი არ გახლავთ, თანაც ის უახლოეს მეგობარ კრიშტიანო რონალდუსთან ერთად ითამაშებს.
ჯერ-ჯერობით უცნობია, რა გადაწყვეტილებას მიიღებს „ბლანკოსი“ მარსელოსთან დაკავშირებით, თუმცა ისიც აღსანიშნავია, რომ ამ ეტაპზე ვიერას ფასი მაღალი არ არის, შესაბამისად „ბლანკოსი“ მაღალ ფინანსურ სარგებელს ვერ ნახავს.
- 12 სექტემბერი 2020
- 1595
- 17
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
