ზიდანი 100 მილიონს ითხოვს, პერესი უარზეა
ესპანური გამოცემების ცნობით, ზინედინ ზიდანი ტრანსფერებისთვის 100 მილიონის გამოყოფას ითხოვს.
ეს არის ის თანხა, რომელიც მინიმალურად ითვლება. გამომდინარე ეკონომიკური კრიზისიდან, ზიდანი ხვდება, რომ ძვირადღირებული ვარსკვლავების შეძენას ვერ შეძლებს, მაგრამ 100 მილიონი ევრო საკმარისი იქნება 2 ან 3 მნიშვნელოვანი ფიგურისთვის.
ერთ-ერთ მოთამაშედ დაიოტ უპამეკანო განიხილება. ასევე აქტიური საუბრები მიმდინარეობს ედუარდო კამავინგაზე.
მიუხედავად მთავარი მწვრთნელის მოთხოვნებისა, პერესს სურს, რომ მხოლოდ გაყიდვებზე გააკეთოს აქცენტი და 2021 წლამდე გუნდში ახალი ფეხბურთელები არ მოიყვანოს.
სამეფო კლუბის პრეზიდენტის აზრით, მარტინ ოდეგორის და დანი სებალიოსის დაბრუნება გუნდის რესურსს მნიშვნელოვნად გაზრდის. სხვა მოთამაშეების მხრივ კი პერესი გაყიდვების სერიას გვპირდება. „რეალს“ მინიმუმ 200 მილიონი ევროს მიღება აქვს დაგეგმილი.
- 17 აგვისტო 2020
- 2749
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
