აზარი:,,ჩვენ უნდა დავამარცხოთ გუარდიოლას გუნდი"
ედენ აზარმა ჟურნალისტებს ვრცელი და ძალიან საინტერესო ინტერვიუ მისცა.
„ჩემპიონთა ლიგა ბრუნდება, რაც ფეხბურთის ყველა ქომაგისთვის ძალიან სასიხარულოა. ჩვენ ყველა ერთად ფეხბურთით ვცხოვრობთ, ჩემპიონთა ლიგის მატჩები კი ნამდვილი ზეიმია.“
„ჩემი საყვარელი გოლი „შალკეს“ წინააღმდეგ გავიტანე. ევროსარბიელზე ბევრი გოლი არ მაქვს გატანილი, ამიტომ არჩევანის გაკეთება რთული ნამდვილად არ გახლავთ. მაშინ ბურტის კარში გახვევა ტორესსაც შეეძლო, მაგრამ მე დავარტყი.“
„გოლის გატანა თუ საგოლე გადაცემა? ორივე დიდ სიამოვნებას მანიჭებს. გამომდინარე იქედან, რომ უფრო შემქმნელი სტილის მოთამაშე ვარ, „ასისტებს“ ყოველთვის დიდ ყურადღებას ვაქცევ, მაგრამ მეტოქის კარის აღებაც დიდ სიამოვნებას მანიჭებს.“
„კრიშტიანო რონალდუს გოლი „იუვენტუსის“ წინააღმდეგ დაუვიწყარი იყო, ასევე საოცრება ჩაიდინა ბეილმა, როდესაც „ბლანკოსის“ მეტოქე ფინალში „ლივერპული“ გახლდათ. მაშინ დიდი სიამოვნება მივიღე.“
„ზიდანის მიერ 2002 წელს გატანილი ბურთი დაუვიწყარია, მას საუკეთესოდ მივიჩნევ.“
„დაუვიწყარია დენის ბერკამპის მიერ 2002 წელს „ნიუქასლის“ წინააღმდეგ გატანილი გოლი. ეს იყო ნამდვილი კლასი, რომელიც ჩემს მეხსიერებაში სამუდამოდ ჩაიბეჭდა.“
„ჩემი მიზანი ყოველთვის წინსვლაა. მიუხედავად იმისა, რომ ურთულესი თვეები გავიარე, თავს კარგად ვგრძნობ. ჯერ არ ვიცი, სასტარტო შემადგენლობაში ვითამაშებ თუ არა, თუმცა „სიტის“ დასამარცხებლად ყველაფერს გავაკეთებ. „რეალის“ ქომაგების გასახარებლად ყველაფერს ვიღონებ.“
„სერხიო რამოსი ყველა ვარჯიშის შემდეგ ამბობს, რომ „სიტისთან“ მატჩი ისტორიაში უნდა შვიდეს, ჩვენ დიდი მუხტი გვაქვს.“
- 3 აგვისტო 2020
- 7063
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
