„ტოტენჰემი“ მზად არის, მადრიდის „რეალს“ გარეთ ბეილის სანაცვლოდ 30 მილიონი ევრო გადაუხადოს და ფლორენტინო პერესიც თანახმაა ამ თანხის სანაცვლოდ გარიგებაზე წავიდეს, თუმცა საქმეს თავად ბრიტანელი ფეხბურთელი ართულებს.

ლონდონელები ბეილს მოუწოდებენ, რომ ხელფასის 7 მილიონი ევროთი შემცირებას დათანხმდეს, თუმცა გარეთი ამ წინადადებაზე თანხმობას არ აცხადებს.

მოურინიოს კლუბი მზად არის, ბეილს 4 წლიანი კონტრაქტი შესთავაზოს, სადაც მისი წლიური ანაზღაურება 9.5 მილიონი ევრო იქნება, თუმცა უელსელისთვის ეს წინადადება მისაღები არ არის.

ასევე ვრცელდება ინფორმაცია, რომლის მიხედვითაც, კლუბები ხელფასის განაწილების პერსპექტივასაც განიხილავენ, რომლის მიხედვითაც, გარეთის ხელფასი 12.5 მილიონი ევროთი განისაზღება, საიდანაც 9.5 მილიონს „ტოტენჰემი“ გადაიხდის, ხოლო 3 მილიონს „რეალი“.

ამ შემთხვევაში ფლორენტინო პერესს 4 წლის განმავლობაში 12 მილიონის გადახდა მოუწევს, თუმცა თავიდან იქნება არიდებული 34 „ლიმონის“ გადახდა, რომელიც „ბლანკოსმა“ ფეხბურთელმა მომდევნო 2 წლის განმავლობაში უნდა ჩაურიცხოს.

როგორც ხედავთ, გარეთთან დაკავშირებით სიტუაცია საკმაოდ ჩახლართულია.������� dle 10.1������� ������� ������