ზიდანი როდრიგოსთან დაკავშირებით კიდევ ფიქრობს
როდრიგო გოეშის მიმართ ამსტერდამის „აიაქსის“ ინტერესი დიდია.
ჰოლანდიური მხარე ბრაზილიელი ფეხბურთელის 1 წლით წაყვანაზე ფიქრობს. საქმე ეხება საიჯარო ხელშკეურლებას, რომელიც მთელ რიგ პუნქტებს ითვალისწინებს. ერთ-ერთი პუნქტის მიხედვით, შეთანხმების შემთხვევაში, გოეში მომდევნო სეზონში, ყველა ტურნირზე მინიმუმ 30 დაპირისპირებაში მიიღებს მონაწილეობა. ამ შემთხვევაში გამორიცხული უნდა იყოს ტრავმის რისკი.
„აიაქსი“ მაქსიმალურად ცდილობს ახალგაზრდა შემტევის გადაბირებას, სათამაშო პრაქტიკის მიღება კი ზინედინ ზიდანის გუნდისთვის ნამდვილად პრიორიტეტული უნდა იყოს, თუმცა მთავარი მწვრთნელი ჯერ-ჯერობით ვერ ჩამოყალიბდა და ვერ გადაწყვიტა, გაუშვას თუ არა 1 წლით გოეში ჰოლანდიის ჩემპიონატში.
როდრიგომ მიმდინარე სეზონი კასტილიაში დაიწყო, შემდეგ მთავარ გუნდში დაწინაურდა და არაერთი გოლიც გაიტანა, მის ანგარიშზეა ჩემპიონთა ლიგაზე შესრულებული ჰეთ-თრიკიც. ამის შემდეგ იყო ჩავარდნა და ისევ კასტილიაში დაბრუნება, სეზონის განახლების შემდეგ კი ყველასათვის მოულოდნელად მთავარმა მწვრთნელმა გოეშს უფრო დიდი ნდობა გამოუცხადა, ვიდრე ვინისიუსს ჟუნიორს.
საერთო ჯამში როდრიგოს აქტივში მიმდინარე სეზონში 25 მატჩი, 1366 წუთი, 7 გოლი და 1 საგოლე გადაცემა ირიცხება. „ლეგანესთან“ მოედანზე გასვლის შემთხვევაში შემტევს ექნება შესაძლებლობა სტატისტიკა კიდევ უფრო გაიუმჯობესოს.
- 18 ივლისი 2020
- 1693
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.