ედენ აზარი გუნდთან ერთად ანდალუსიაში იმყოფებოდა, თუმცა „გრანადას“ დამარცხებაში მონაწილეობა არ მიუღია.

გულშემატკივრები იმედოვნებდნენ, რომ ბელგიელი გამოიყენებდა პანდემიით გამოწვეულ შესვენებას და სეზონის დარჩენილ ნაწილს სათანადო კონდიციებში შეხვდებოდა.

პრიმერა დივიზიონის განახლების შემდეგ, „შვიდიანი“ კარგად გამოიყურებოდა, თუმცა მესამე შეხვედრაში გაკრვეული დისკომფორტი იგრძნო და მეორე ტაიმში აღარ გამოჩენილა მოედანზე, ხოლო „რეალის“ ბოლო ოთხ შეხვედრაში, მხოლოდ 8 წუთით ვიხილეთ საქმეში.

„აზარი ესაჭიროება საუკეთესო ფორმაში ჩადგომა, რათა კვლავ შეძლოს ასპარეზობა.სიტუაცია არცთუ ისე სახარბიელოა, მაგრამ, ვიმედოვნებ, რომ „ვილიარეალთან“ მატჩისათვის 100 პროცენტით მზად იქნება“ - დასძინა ზინედინ ზიდანმა.

განვლილ ტურში ბელგიელის არყოფნამ გაოცება გამოიწვია სამეფო კლუბის ქომაგებში, ვინაიდან ლა ლიგისთვის ბრძოლა გადამწყვეტ ფაზაშია შესული.

საერთო ჯამში, ედენმა ესპანეთის ჩემპიონატის 15 მატჩში მიიღო მონაწილეობა.ის 1 გოლსა და 6 ასისტს მოითვლის.რა თქმა უნდა, სტატისტიკა საკმაოდ მწირია, თუმცა ფეხბურთელს ტრავმის გამო 200 დღე გაუცდა.

იმედია აზარი წარმატებით გაართმევს თავს ჯანმრთელობასთან დაკავშირებულ ბრძოლებს და მალე დაბრუნდება მოედანზე.

MARCA������� dle 10.1������� ������� ������