სტრატეგია მბაპეს ტრანსფერი!
ფლორენტინო პერესს არაერთი გეგმა აქვს, რომელიც კილიან მბაპეს „რეალში“ ტრანსფერს უკავშირდება.
Defensacentral-ის ინფორმაციით, პერესი მბაპეს 2020 წელს მადრიდში ვერ ჩაიყვანს, მაგრამ მისი შანსები მომდევნო წელს მნიშვნელვონად გაიზრდება, ვინაიდან ფეხბურთელს 2022-ში კონტრაქტი ეწურება.
ამავე წყაროზე დაყრდნობით, სამეფო კლუბი პარიზელებს 150 მილიონ ევროს შესთავაზებს და მიუხედავად იმისა, რომ მბაპე შესაძლოა უფრო ძვირიც ღირდეს, „პსჟ“ რისკების დაზღვევის მიზნით ამ თანხას დათანხმდება.
2022 წელს კილიანი თავისუფალი აგენტის სტატუსს მიიღებს და ალ ჰელაიფი ტოპ ვარსკვლავის სანაცვლოდ ბიუჯეტს ვეღარ გაამდიდრებს, რაც „პსჟ“-ს მენეჯმენტის გეგმებში ნამდვილად არ შედის.
ამასთანავე ვრცელდება ინფორმაცია, რომ პერესმა 150 მილიონ ევროსთან ერთად შესაძლოა ერთ-ერთი ფეხბურთელი დათმოს და პარიზში გაუშვას. საუბარია სერხიო რეგილონზე, რომლის მიმართაც პარიზელებს ინტერესი რამდენიმე თვის წინ ჰქონდათ.
- 10 ივლისი 2020
- 2333
- 19
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
