ვან დე ბეეკი მოდრიჩს ელოდება
დონი ვან დე ბეეკის მომავალი კვლავ ბუნდოვანია...
ჰოლანდიელ ფეხბურთელს „რეალში“ ტრანსფერი სურს, მაგრამ მისი მომავალი სხვა გარემოებებზეც არის დამოკიდებული.
ესპანური გამოცემების ინფორმაციით, დონი ლუკა მოდრიჩის გადაწყვეტილებას ელოდება. ხორვატთან დაკავშირებით არაერთგვაროვანი ინფორმაციები ვრცელდება. ერთ-ერთი ვარიანტის მიხედვით, ლუკიტა „ბლანკოსს“ ამ ზაფხულს დატოვებს, მეორე ვარიანტის მიხედვით 2021 წლის ზაფხულამდე მისი წასვლა გამორიცხულია, ხოლო მესამე ვარიანტი, მოდრიჩის „რეალში“ დარჩენას 2022 წლის ზაფხულამდე ითვალისწინებს.
ოქროს ბურთის მფლობელმა 2 კვირის წინ განაცხადა, რომ მისი ოცნება კარიერის „რეალში“ დასრულებაა, რამაც საკმაოდ დიდი მითქმა-მოთქმა გამოიწვია.
ამის პარარელურად ვან დე ბეეკზე პრეტენზიას „მანჩესტერ იუნაიტედი“ აცხადებს. ბრიტანელების ცნობით, ინგლისელებს ტრანსფერის გაჩარხვის საკმაოდ დიდი შანსი აქვთ.
- 26 ივნისი 2020
- 1536
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.