კორონავირუსით გამოწვეული დასვენების შემდეგ, სამეფო კლუბი ნელ-ნელა იკრებს ძალებს.

ზიდანის შეგირდებმა ჩემპიონატის განახლება ზედიზედ 4 მოგებული თამაშით აღნიშნეს და სატურნირო ცხრილის სათავეშიც დაიდეს ბინა.ამასთანავე აღსანიშნავია, რომ ტიბო კურტუა „ზამორას“ ჯილდოსთვის ბრძოლაში გალიდერდა, სერხიო რამოსი ესპანეთის ჩემპიონატის საუკეთესო გოლეადორი მცველი გახდა, ბენზემასა და აზარის პარტნიორობას უფროდაუფრო ესხმევა ხორცი და როგორც იქნა, ვინისიუს ჟუნიორიც შესაძლებლობების გამოვლენას იწყებს.

გამომდინარე იქედან, რომ ფეხბურთელებს იძულებით მოუწიათ თამაშგარე მდგომარეობაში ყოფნა, გუნდის ფიზიკური კონდიციებიც მოწოდების სიმაღლეზე არ არის.შესაბამისად, ფრანგი დამრიგებელი მაქსიმალურად იყენებს არსებულ რესურსს და ყველა ჯანმრთელ ფეხბურთელს აძლევს თავის გამოჩენის საშუალებას.

„რეალ სოსიედადთან“ საკმაოდ ნიშანდობლივ შეხვედრაში, ყველასათვის მოულოდნელად, სასტარტო თერთმეტეულში გამოჩნდა მივიწყებული ხამეს როდრიგესი, ხოლო „მალიორკას“ წინააღმდეგ ასევე სასტარტო წუთებიდან თავის გამოჩენის საშუალება მიეცა ბეილს.ორივე შემთხვევაში ნათლად გამოჩნდა, რომ ზიდანის დამოკიდებულება კოლუმბიელისა და უელსელის სათამაშო წუთებთან დაკავშირებით, კითხვებს არ აჩენს.

სამწუხაროდ, როდრიგესმა და გარეთმა ერთი მეორეზე უსახური მატჩები ჩაატარეს და კიდევ ერთხელ დაგვარწმუნეს იმაში, რომ სეზონის გადამწყვეტ ეტაპზე მათი იმედი არ უნდა გვქონდეს.

მიმდინარე სეზონში ბეილმა 20 მატჩში მიიღო მონაწილეობა (მხოლოდ 3 გოლი და 2 ასისტი), ხოლო ხამესმა 14-ში (1 გოლი და 2 ასისტი).

MARCA������� dle 10.1������� ������� ������