დღეს, 28 მაისს 4 წელი გავიდა მას შემდეგ, რაც მადრიდის „რეალმა“ ჩემპიონთა ლიგის მე-11 თასი მოიგო...

ეს გახლდათ ზიდანის პირველი ჩემპიონთა ლიგის თასი მთავარი მწვრთნელის რანგში.

მადრიდის „რეალის“ მეტოქე „ატლეტიკო“ გახლდათ. მატჩის ძირითადი და დამატებითი დრო 1-1 მორჩა, ყველაფერი კი პენალტების დრამატულმა სერიამ გადაწყვიტა, სადაც „ბლანკოსმა“ 5-3 იმარჯვა, გამარჯვების პენალტის შესრულება კი კრიშტიანო რონალდუმ მოახერხა.

მატჩი მილანში, „სან სიროზე“ შედგა, მსაჯი კი მარკ კლატენბერგი გახლდათ.

მადრიდის „რეალის“ შემადგენლობა: ნავასი, კარვახალი (დანილო 52წთ), პეპე, რამოსი, მარსელო, კაზემირო, მოდრიჩი, კროოსი (ისკო 72წთ), ბეილი, რონალდუ, ბენზემა (ვასკესი 77წთ)