„რეალში“ რამოსის იდეალურ შემცვლელად დე ლიხტს მოიაზრებენ
მატის დე ლიხტის მიმართ „რეალში“ დიდი ინტერესი არსებობს...
ჰოლანდიელი მცველის ტრანსფერი აბსოლუტური აუცილებლობა ახლა ნამდვილად არ არსებობს, ვინაიდან დაცვის ცენტრს რამოსი და ვარანი ამაგრებენ, თუმცა ისიც უნდა აღინიშნოს, რომ კაპიტანი ასაკშია და დაახლოებით 2 წელიწადში ისეთ დონეზე თამაშს ვეღარ შეძლებს.
ფლორენტინო პერესს რამოსის შემცვლელად დე ლიხტის დამატება სურს და თვლის, რომ მომდევნო წელს, ან თუნდაც 2022-ში მის დაყოლიებას შეძლებს, მანამდე კი დე ლიხტი „იუვენტუსში“ კიდევ უფრო სოლიდური უკანახაზელი გახდება.
ამასთანავე ვრცელდება ინფორმაცია, რომლის მიხედვითაც, „იუვენტუსს“ სერიოზული ფინანსური კრიზისი აქვს და რამდენიმე ლიდერს შეელევა. თუ „ბებერი ქალბატონი“ დე ლიხტსაც დააყენებს ტრანსფერზე და მას ნორმალურ ფასად გაყიდის, „რეალი“ ამ ზაფხულსვე გააქტიურდება.
- 26 აპრილი 2020
- 787
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
