ტრიო, რომელმაც „ელ კლასიკო“ მოიგო
ესპანელი გამოცემები „ელ კლასიკოში“ გამარჯვებას ტონი კროოსის, მარსელოსა და ვინისიუს ჟუნიორის საოცარ თამაშს აწერენ.
„ტრიო, რომელმაც „ელ კლასიკო“ მოიგო“ - სწორედ ასეთი სათაურებით იწყებენ „ბლანკოსის“ ქებას ესპანელები.
არ უნდა დაიკარგოს სერხიო რამოსის, კაზემიროს, ვალვერდეს, ისკოსა და სხვების დიდებული თამაში, მაგრამ ბერნაბეუზე ყველაზე კარგად მარცხენა ფლანგი კომბინირებდა, რომელმაც უდიდესი პრობლემები შეუქმნა კიკე სეტიენის გუნდს.
ზიდანის მიერ მიღებული გადაწყვეტილება, რომელიც მარსელო ვიეირას სასტარტოში დაყენებას ეხებოდა ნამდვილად საკვირველი იყო, მაგრამ ფაქტია, რომ გადაწყვეტილებამ გაამართლა და შედეგი გამოიღო. მარსელო მოედანზე ერთ-ერთი საუკეთესო იყო როგორც დაცვაში, ასევე წინა ხაზში.
რამდენიმე ანალიტიკოსის აზრით, „ბარსელონასთან“ მატჩში ვიეირამ სასტარტო შემადგენლობაში ადგილი დაიბრუნა და მომდევნო ტურებში ზიზუ კვლავ მასზე შეაჩერებს არჩევანს და არა ფერლან მენდიზე.
- 3 მარტი 2020
- 1997
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
