ისევ გარეთ ბეილი?
სამეფო კლუბი ჩემპიონთა ლიგაზე ბრუნდება.
ზინედინ ზიდანის შეგირდები მერვედფინაური სტადიის პირველ დაპირისპირებას „მანჩესტერ სიტის“ წინააღმდეგ გამართავენ.სამწუხაროდ, მადრიდელები დიდი საკადრო პრობლლემით ხვდებიან „ქალაქელებს,“ ვინაიდან, როგორც იცით, ედენ აზარს კვლავ კოჭის ტრავმა აწუხებს.
„რეალის“ თავკაცი დიდ იმედებს ამყარებდა ბელგიელ შემტევზე, მაგრამ ახლა მის გუნდს სხვა ფეხბურთელმა უნდა ულიდეროს.არსებული სიტუაციიდან გამომდინარე, რთული სათქმელია, ვინ მოევლინება „ბლანკოსს“ მხსნელად.პირველ რიგში, ალბათ, ბენზემა გვახსენდება, თუმცა ფრანგი საკმაოდ უფერულად გამოიყურება ბოლო პერიოდში.
რაც არ უნდა გასაკვირი იყოს, ესპანეთში ისევ უელსელი ფეხბურთელის გვარმა გაიჟღერა, რომელსაც ტრადიციისამებრ შთამბეჭდავად გამოდის დიდ გუნდებთან ბურთაობა.გულშემატკივრებს კარგად ახსოვთ ბეილის წვლილი „რეალის“ ჩემპიონთა ლიგის ტიტულებში, მაგრამ რამდენად უნდა ვიყოთ არსებულ კონდიციებში მყოფ გარეთის იმედზე, ეს უკვე სადავოა.ის არადამაკმაყოფილებელ ფიზიკურ კონდიციებთან ერთად, მოტივაციის ნაკლებობასაც განიცდის.
საინტერესოა, რომ ბეილმა პრიმერა დივიზიონის მასშტაბით, ბოლოს 1-ელ სექტემბერს გამოიჩინა თავი, ხოლო ევროპის ყველაზე პრესტიჟულ ტურნირზე, ჯერ არ უფიქსირდება შედეგიანი დარტყმა.
იქნებ, ახლა მაინც მოინდომოს უელსელმა :)
- 25 თებერვალი 2020
- 2891
- 19
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
