ზიდანი:„სიტუაციის გამოსწორება გვმართებს, აზარი ისევ ტრავმირებულია“
ზინედინ ზიდანმა „ლევანტესთან“ მატჩის შემდეგ პრესკონფერენცია გამართა...
„„ლევანტემ“ ერთი სერიოზული შეტევა გააკეთა და გოლის გატანაც მოახერხა. პირველ ტაიმში ჩემმა გუნდმა ძალიან ბევრი მომენტი გააფუჭა და დაისაჯა კიდეც.“
„ვერანაირად ვერ ვიქნები ბედნიერი, ვინაიდან ლიდერობა დავკარგეთ. ახლა ყველაფერი ჩვენზეა დამოკიდებული. თუ „ბარსელონასთან“ გავიმარჯვებთ პირველ ადგილს დავიბრუნებთ, ხოლო თუ დავმარცხდებით, სხვაობა 5 ქულამდე გაიზრდება, რისი აღმოფხვრაც ურთულესი ამოცანა იქნება.“
„დარწმუნებული ვარ, თუ „ელ კლასიკოს“ ვერ მოვიგებთ, პრესა აჭრელდება და ჟურნალისტები თანამდებობიდანაც გამათავისუფლებენ, მაგრამ სიმშვიდეს ვინარჩუნებ. ჩემთვის არასდროსაა მნიშვნელოვანი ის, რაც პრესაში იწერება. კრიტიკა არაერთხელ დამტყდომია თავს, მაგრამ სიტუაცია შემიცვლია. ახლაც ასე იქნება. ჩემი გუნდი 100%-ით დაიხარჯება.“
„ეს ფეხბურთია, სადაც ყველაფერი ხდება. ბრწყინვალე გამარჯვებების სერიის შემდეგ წინა მატჩებში მოწოდების სიმაღლეზე ვერ ვიდექით. ყველაფერს გავაკეთბთ, რომ მომდევნო შეხვედრებში სულ სხვა ფეხბურთი ვითამაშოთ. ძალიან მნიშვნელოვან ფაზაში შევდივართ.“
„აზარი ძლიერ ტკივილებს გრძნობს. ახლანდელი ინფორმაციით, მისი მოედანზე გასვლა უახლოეს მატჩებში გამორიცხულია. ექიმები მოთამაშეს შესაბამის პროცედურებს უკეთებენ.“
- 23 თებერვალი 2020
- 13566
- 10
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
