რამოსი:„„ლევანტესთან“ მატჩის შემდეგ მძიმე ინფორმაცია გავიგეთ“
სერხიო რამოსმა „ლევანტესთან“ წაგების შემდეგ ჟურნალისტებთან ისაუბრა...
„მიუხედავად იმისა, რომ უამრავი მომენტი გვქონდა და გოლების გატანა შეგვეძლო, მატჩი სხვაგვარად წარიმართა. 3 ქულა დავკარგეთ, ეს არ იყო რიგითი მარცხი, რადგან ლიდერობა ვერ შევინარჩუნეთ და „ბარსელონას“ პირველ ადგილზე გადასვლის საშუალება მივეცით.“
„დადგა გადამწყვეტი მომენტი. ეს ის სიტუაციაა, როდესაც გამარჯვებები გვმართებს. თუ „სიტისთან“ და „ბარსელონასთან“ გავიმარჯვებთ, ყველაფერი რადიკალურად შეიცვლება. ჩვენ უნდა გავერთიანდეთ და ბოლომდე ვიბრძოლოთ.“
„მატჩის დასრულების შემდეგ ცუდი ამბავი გავიგეთ. აზარის მდგომარეობა არც ისე დამაკმაყოფილებელია, მაგრამ ვიმედოვნებთ, რომ სრულფასოვანი სამედიცინო შემოწმების შემდეგ ექიმების დასკვნა მძიმე არ იქნება. ჩვენ ბელგიელი ძალიან გვჭირდება.“
„როგორც სჩანს, ერნანდეს ერნანდესს ჩემთვის ყვითელი ბარათი წინასწარ აქვს გამზადებული. არ გამკვირვებია, რომ მან გაფრთხილება თამაშის დაწყებისთანავე მომცა, ის ყოველთვის ასე იქცევა.“
„ჩვენ გვაქვს ერთი კვირა იმისათვის, რომ სიტუაცია რადიკალურად შევცვალოთ. საშინაო არენაზე ორივე მატჩის მოგება შეგვიძლია. თუ „სიტის“ და „ბარსელონას“ დავამარცხებთ, უდიდეს მუხტს მივიღებთ. ძალიან გაბრაზებულები და მოტივირებულები ვართ.“
- 23 თებერვალი 2020
- 2988
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
