რა სჭირს მარსელოს?
ბრაზილიელი ფეხბურთელი არადამაჯერებელ თამაშს განაგრძობს.
ალბათ, ყველას კარგად გვახსოვს განვლილი სეზონი, როდესაც სამეფო კლუბი საშინლად გამოიყურებოდა.დედაქალაქში დაბრუნებულ ზიდანს, ერთბაშად რამდენიმე მოთამაშე დახვდა არასახარბიელო მდგომარეობაში.ფრანგმა სპეციალისტმა ბევრი იმუშავა ინდივიდუალური თვალსაზრისით და მაგალითისათვის, თუ გადავხედავთ ისკოსა და მოდრიჩის ამჟამინდელ ვითარებას, ვიტყვით, რომ შედეგი დადგა, თუმცა განსხვავებული სიტუაციაა ბეილთან და მარსელონასთან დაკავშირებით.
ამ მომენტისათვის, განაპირა მცველმა პრიმერა დივიზიონის 8 მატჩში მიიღო მონაწილეობა, რაც იმას ნიშნავს, რომ მან პირწმინდად წააგო კონკურენცია მენდისთან.საინტერესოა, რომ აღნიშნულ შეხვედრებიდან, „რეალმა“ მხოლოდ ერთხელ („ლეგანესთან“) შეძლო კარის მშრალად შენახვა, ხოლო დანარჩენ შემთხვევებში 9 გოლი მიიღო, მაგრამ მიუხედავად ამისა - „ის კარგად გამოიყურებოდა დაცვაში.თქვენ ყოველთვის მოგყავთ სტატისტიკა, თუმცა კმაყოფილნი ვართ ჩვენი ფეხბურთელების გარჯით“ - აცხადებს ზიდანი.
საერთო ჯამში როდესაც მარსელო მოედანზეა, „რეალი“ საშუალოდ ყოველ 35 წუთში იტანს და საშუალოდ ყოველ 74 წუთში უშვებს, ხოლო მის გარეშე, ყოველ 52 წუთში იტანს და ყოველ 148(!) წუთში უშვებს.
ერთი სიტყვით, სამხრეთ ამერიკელი გაცილებით პროდუქტიულია წინა ხაზში თამაშის დროს, მაგრამ ნუ დაგვავიწყდება, რომ მის მთავარ მოვალეობას, დაცვითი ფუნქციების საიმედოდ შესრულება წარმოადგენს.
AS
- 21 თებერვალი 2020
- 2552
- 23
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
