„რეალი“ - პირველად 5 წლის შემდეგ
მიმდინარე სეზონში და განსაკუთრებით ბოლო პერიოდში, სამეფო კლუბი ისე სტაბილურად გამოიყურება, როგორც არასდროს.
ზიდანის შეგირდები თამაშიდან თამაშამდე ამტკიცებენ, რომ თითოეული მატჩი და ტურნირი მათთვის ერთობ ღირებულია და პრინციპში, შედეგებიც ამაზე მეტყველებს.დიდებული იანვრის შემდეგ, მადრიდელებმა თებერვალიც არნახულად დაიწყეს, დაამარცხეს რა თანაქალაქელი „ატლეტიკო“ და კვლავ 3 ქულიანი ჰანდიკაპით ლიდერობენ პრიმერა დივიზიონს.
ამავდროულად, „რეალი“ ჩემპიონთა ლიგის განახლებას ელოდება, სადაც 1/8 ფინალურ სტადიაზე „მანჩესტერ სიტის“ უნდა შეერკინოს.პარალელურად, „თეთრები“ სამეფო თასზეც იბრძვიან - მომდევნო ოთხშაბათს, მათი მეტოქე „რეალ სოსიედადი“ იქნება და გამარჯვების შემთხვევაში ნახევარფინალში ასპარეზობის უფლებასაც დაიბევებენ.
ის, რომ ფლორენტინო პერესის გუნდს ყველა ტიტულის მოხვეჭა სურს, ამაშინ ახალი არაფერი არ არის, თუმცა ხშირ შემთხვევაში სხვა რეალობის წინაშე ვდგავართ.უფრო კონკრეტულად, 2013/14 წლების სეზონის შემდეგ პირველად ხდება, რომ სეზონის მოცემულ ეტაპზე, „რეალი“ ყველა ტურნირის მოგების შანსს ინარჩუნებს.
AS
- 3 თებერვალი 2020
- 1381
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
