ვასკესი ასპარეზზე ბრუნდება
გასულ წლებში ლუკას ვასკესი ზინედინ ზიდანის ერთ-ერთი ყველაზე საყვარელი ფეხბურთელი და ნდობით აღჭურვილი პირი იყო. ესპანელი ფეხბურთელი სეზონის ბოლოს ტოპ 5 ფეხბურთელში ყოველთვის შედიოდა, რომელსაც მოედანზე ყველაზე მეტი წუთი ჰქონდა გატარებული...
მიმდინარე სეზონში ვითარება რადიკალურად შეცვლილია, რაც პირველ რიგში წინა ხაზში უდიდეს კონკურენციას და მეორე რიგში ლუკას ტრავმებს უკავშირდება.
ვასკესმა მიმდინარე სეზონში მოედანზე გასვლა მხოლოდ 11-ჯერ შეძლო, მისი წუთობრივი მაჩვენებელი მოკრძალებულია (552).
სულ ცოტა ხნის წინ ესპანელმა წინახაზელმა რამდენიმე კვირიანი პაუზის შემდეგ მოედანზე გასვლა შეძლო. ვასკესი ასპარეზზე ბრუნდება, ესპანელმა შანსი „ვალიადოლიდთან“ მატჩშიც მიიღო.
ზიზუს არ ავიწყდება, რომ ლუკასი დაუღლელი ფიგურაა და მისი გამოყენება ეფექტურად შეიძლება როგორც წინა ხაზში, ასევე დაცვაში.
ედენ აზარისა და გარეთ ბეილის ტრავმიანობის პირობებში ესპანელი შემტევის შანსი კიდევ უფრო გაიზარდა, ზიზუ მას მომდევნო მატჩებშიც გამოიყენებს.
- 27 იანვარი 2020
- 1327
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
