აზარი: „ამას ვერ უარვყოფ“
სამეფო კლუბის ბელგიელმა შემტევემა ედენ აზარმა, ჟურნალ „Sport and Foot“-თან საინტერესო თემებზე ისაუბრა.
„როდესაც მადრიდის „რეალის“ ფეხბურთელი გავხდი, ვერ უარვყოფ იმ ფაქტს, რომ წონის პრობლემა მქონდა.დაახლოებით 5 კილოგრამით ზედმეტს ვიწონიდი და ეს ყველაფერი არდადეგების დამსახურებაა.მე სწორედ იმ ადამიანების კატეგორიას მივეკუთვნები, რომლებიც სწრაფად იმატებენ, თუმცა შემდეგ დაკლება უჭირთ.“
„„ლილში“ ასპარეზობის დროს, ჩემი წონა შეადგენდა 72-73 კილოგრამს,შემდეგ 75-77 და ამ ზაფხულს კი იყო პიკი - 80 კგ. თუმცა დაახლოებით 10 დღე დამჭირდა, რომ ფორმაში ჩავმდგარიყავი.“
„რა თქმა უნდა, მე და ზიდანს თამაშის ერთნაირი სტილი არ გვაქვს.ის ფეხბურთელობის პერიოდში ჩემზე ბევრად ტექნიკური გახლდათ.“
„2016 წლის ევროპის ჩემპიონატის დროს, მან დამიძახა და მითხრა, რომ ჩემი ხილვა სურდა მის გუნდში, რაც არასდროს დამავიწყდება.“
„ზიზუს ვარჯიშები ყოველთვის ბურთის თანხლებით მიმდინარეობს.მე დაახლოებით 3 წელი გავატარე იტალიელი მწვრთნელების (ანტონიო კონტე და მაურიციო სარი) მეთვალყურეობის ქვეშ და სიმართლე გითხრათ, ასეთ სიამოვნებას ვერ ვიღებდი, როგორსაც დღეს.“
„არასდროს ვმალავდი, რომ ბავშვობიდან ჩემი კუმირი იყო ზინედინ ზიდანი, ხოლო საყვარელი კლუბი მადრიდის „რეალი.“ უბრალოდ წარმოუდგენელი გრძნობა მეუფლებოდა, როდესაც ტელევიზორში „სანტიაგო ბერნაბეუს“ ვხედავდი.“
MARCA
- 15 იანვარი 2020
- 3562
- 12
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
