ზიდანი:„კურტუას მეც საუკეთესოდ დავასახელებდი, ის დიდებულად ასპარეზობდა“
ზინედინ ზიდანმა „ხეტაფესთან“ მატჩის შემდეგ პრესკონფერენცია გამართა...
„ძალიან მნიშვნელოვანი 3 ქულა მოვიპოვეთ და ჩემპიონობისთვის ბრძოლას განვაგრძობთ. საკმაოდ რთული მეტოქე გვყავდა, „ხეტაფე“ მიმდინარე სეზონში ნამდვილად გამორჩეული კოლექტივია.“
„ფეხბურთელებმა გუნდური სულისკვეთება კიდევ ერთხელ გამოავლინეს, ისინი მობილურად მოქმედებდნენ, რაც საბოლოო ჯამში ნაჩვენებ შედეგზეც აისახა.“
„ვერ ვიტყვი, რომ პირველი ტაიმით კმაყოფილი ვარ, მეორე 45 წუთში გუნდი გაცილებით ეფექტური იყო და აგრესიულად უტევდა. ჩვენ დავიმსახურეთ გამარჯვება და ბედნიერი ვარ.“
„ვიცოდით, რომ იოლი ბრძოლა არ გველოდა და „ხეტაფემ“ ეს დაამტკიცა კიდეც. მეტოქე გუნდმა რამდენიმე მწვავე მომენტი შექმნა და ტიბო კურტუამ გადაგვარჩინა. ლოგიკურია, რომ ბელგიელი მატჩის საუკეთესო ფეხბურთელად დაასახელებს. ჩემი ნება რომ იყოს, მეც ანალოგიურად მოვიქცეოდი.“
„2020 წელი კარგად დავიწყეთ, ამ მხრივ გამარჯვება მეტად მნიშვნელოვანი იყო. ასევე ბევრი საუბრები მიმდინარეობდა იმის შესახებ, რომ გასულ ტურებში ვერ ვიგებდით. ახლა ყველაფერი რიგზეა და ბრძოლა ბოლომდე გრძელდება.“
„ვარანმა უდიდესი წვლილი შეიტანა „რეალის“ გამარჯვებაში. ის, რომ მცველები ხანდახან გოლების გატანას ახერხებენ ძალიან მნიშვნელოვანია.“
„ფედე შესანიშნავი ფეხბურთელია. ჩემ განკარგულებაში 25 მოთამაშე გახლავთ და ზუსტად ვერასდროს განვსაზღვრავ ვინ როდის დამჭირდება.“
„ახლა დასვენების დროა, შემდეგ კი ესპანეთის სუპერთასის მატჩებზე უნდა გადავერთოთ, დრო ცოტაა.
„მოდრიჩი მოდრიჩია, ლუკიტამ კიდე ერთხელ აჩვენა ქომაგებს საკუთარი კლასი. მიუხედავად იმისა, რომ ხორვატი პატარა ბიჭი აღარ არის, ის დაუღლელია, ბევრს მოძრაობს და მოედნის ყველა წერტილში ჩნდება. მიხარია, რომ მისი კლასის ფეხბურთელი „მერენგების“ ღირსებას იცავს.“
„კარი კვლავ მშრალად შევინახეთ, რაც ძალიან მახარებს. ხსენებული კომპონენტი ჩემმა გუნდმა მნიშვნელოვნად გააუმჯობესა.“
„სუპერთასის ფავორიტობა? ოთხივე გუნდი ფავორიტია და ტურნირის მოგების თანაბარი შანსი აქვს. ყველაფერს დიდი ბრძოლები გადაწყვეტს, ჩვენ ყველაფერს გავაკეთებთ თასის მოსაპოვებლად.“
„თუ სუპერთასის ფინალში „ბარსელონას“ დავუპირისპირდებით, უდიდესი ძალისხმევის გაღება მოგვიწევს, ანალოგიურის თქმა შეიძლება „ატლეტიკოზეც“, თუმცა „ელ კლასიკოს“ განსხვავებული ემოციური დატვირთვა აქვს. ჩვენ ყველაფრისთვის მზად ვართ.“
- 5 იანვარი 2020
- 5350
- 9
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
