ზიდანი:„ბეილი სეზონის ბოლომდე „რეალში“ დარჩება“
ზინედინ ზიდანმა „გალათასარაისთან“ მატჩის წინ პრესკონფერენცია გამართა...
„ჩვენ გვაქვს არნახული მოტივაცია და პასუხისმგებლობა. მოტივაცია იმიტომ, რომ 3 ქულა ძალიან გვჭირდება, პასუხისმგებლობა კი იმიტომ, რომ საკუთარი ქომაგების წინ ყოველთვის ვალდებულნი ვართ გავიმარჯვოთ.“
„ბეილი ახლა სათამაშოდ მზად არ არის, უელსის ნაკრებს მისი გამოძახება შეუძლია, ის ნაკრებშიც გაივლის შემოწმებას და სწორედ ამის შემდეგ მიიღებს გადაწყვეტილებას რაიან გიგსი, მიზანშეწონილია თუ არა გარეთის თამაში. ამ ეტაპზე, ის მზად არ არის.“
„მსურს, ყველა ფეხბურთელი ხელმისაწვდომი იყოს, მაგრამ ბეილის შემთხვევაში ამას ვერ ვიტყვი. არ მაინტერესებს რა უთხრა ბეილმა გიგზს და რის საფუძველზე მიიღო რაიანმა ეს გადაწყვეტილება, დანარჩენს მომავალი გვიჩვენებს. კიდევ ერთხელ გიმეორებთ, ბეილი სათამაშოდ მზად არ არის.“
„ღიად ვაცხადებ. მსურს, რომ ბეილი სეზონის ბოლომდე ჩვენთან დარჩეს, შემდეგ კი გადაწყვეტილება მიიღოს და ან დატოვოს კლუბი, ან დარჩეს ერთგულად და იბრძოლოს წარმატებისთვის. ჭორები, რომელიც ვრცელდება სიმართლეს არ შეესაბამება, მე ფეხბურთელებთან დაპირისპირება არ მაქვს.“
„ხამეს როდრიგესი მზად არ არის, აქედან გამომდინარე ჩვენთან ერთად არ იქნება, „გალას“ მის გარეშე შევუტევთ.“
„ჩვენ პატივს ვცემთ მბაპეს და „პსჟ“-ს. ფრანგ ფეხბურთელს არაერთხელ უთქვამს, რომ მისი ოცნება სამეფო კლუბში თამაშია. ვიმედოვნებ, ადრე თუ გვიან ეს მოხდება.“
- 5 ნოემბერი 2019
- 3045
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
