ზიდანი:„ძალიან კარგი შანსი გავუშვით ხელიდან, ბეილს და ხამესს განმარტებები მოუწევთ“
ზინედინ ზიდანმა „ბეტისთან“ მატჩის შემდეგ პრესკონფერენცია გამართა...
„ძალიან სამწუხაროა, რომ ვერ გავიმარჯვეთ და 3 ქულა ვერ ჩავიწერეთ აქტივში. საკუთარი კარის მშრალად შენახვა შევძელით, რაც იმას ნიშნავს, რომ ერთი გოლიც კი გადამწყვეტი იქნებოდა, მაგრამ ვერ მოვახერხეთ. ჩვენ შეგვეძლო ლიდერობა.“
„რატომ არ ითამაშა ფედე ვალვერდემ? იმიტომ, რომ სხვებიც კარგად თამაშობდნენ.“
„ახლა ოთხშაბათის ძალიან მნიშვნელოვან მატჩზე უნდა გადავერთოთ.“
„„ბეტისი“ შესანიშნავი გუნდია, რომელმაც არნახული დაცვითი პოტენციალი გამოავლინა.“
„ბენზემას დისკომფორტი არ აქვს, ფრანგი აბსოლუტურად ჯანმრთელია და ამ მხრივ სანერვიულო ნამდვილად არაფერი გვაქვს.“
„ხამესი და ბეილი? ორივეს მოუწევს განმარტების გაკეთება, თუ რატომ დატოვეს მოედანი მატჩის დასრულებამდე, მაგრამ მნიშვნელოვანი ის არის, რომ შეხვედრის დაწყებამდე გასახდელში იყვნენ და თანაგუნდელებს ამხნევებდნენ.“
„დარწმუნებული ვარ, ლა ლიგაში კონკურენცია ბოლომდე შენარჩუნდება. ფაქტია, რომ მატჩების მოგება გართულდა და ყველა გუნდი ცდილობს წინააღმდეგობის გაწევას.“
„წინა მატჩში 5 გოლი გავიტანეთ, ახლა კი ვერცერთი. „ბეტისი“ თავს საოცრად იცავდა.“
„ის, რომ მეტოქეს ბურთი ხელზე მოხვდა და პენალტი დასადები იყო, ძალიან ბევრი ადამიანისგან გავიგე. პატივს ვცემ მსაჯებს და VAR სისტემას, მაგრამ ამასთანავე დავსძენ, რომ ჩემი აზრით, „ბლანკოსისთვის“ თერთმეტმეტრიანი უნდა დაედოთ.“
- 3 ნოემბერი 2019
- 7634
- 20
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
