„რეალმა“ „გრანადას“ 93-ჯერ შეუტია და ზუსტი პასების 85%-იანი მაჩვენებელი დააფიქსირა
სტატისტიკოსები მადრიდის „რეალისა“ და „გრანადას“ მატჩიდან საინტერესო დეტალებს აქვეყნებენ...
უნდა აღინიშნოს, რომ ზინედინ ზიდანმა „გრანადას“ 93-ჯერ შეუტია და აქედან 44 შემთხვევაში შეტევამ მწვავე ხასიათი მიიღო. ეს ყველაფერი იმ ფონზე მოხდა, რომ ზიზუს გუნდს არც „გრანადა“ ჩამორჩა და „ბლანკოსის“ კარისკენ აქტიური მოქმედებები 91-ჯერ განახორციელა, თუმცა შეტევამ მწვავე ხასიათი 33-ჯერ მიიღო.
ასევე აღსანიშნავია, რომ „ბლანკოსმა“ 472 პასი გააკეთა და აქედან 404 შემთხვევაში ბურთმა ადრესატს მიაღწია, „რეალმა“ 85%-იანი სიზუსტე აჩვენა, რაც თავისთავად შესანიშნავი შედეგია. „გრანადას“ შემთხვევაში საქმე გვაქვს 278 გადაცემასთან, საიდანაც ზუსტი 220 იყო.
ამ მაჩვენებლებიდან გამომდინარე, თამამად შეიძლება დავასკვნათ, რომ ორივე გუნდის ფეხბურთელები სიზუსტით გამოირჩეოდნენ.
- 6 ოქტომბერი 2019
- 1620
- 2
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
