ზიდანი:„21 დღეში 7 მძიმე მატჩი გველის“
ზინედინ ზიდანმა „ლევანტესთან“ მატჩის წინ პრესკონფერენცია გამართა...
„სერხიო რამოსზე ბევრი საუბარი არ ღირს. მისი შეფასება უბრალოდ არ შეიძლება. კაპიტანი არის ღირსეული ფიგურა, როგორც სამეფო კლუბში, ასევე ესპანეთის ნაკრებში და მთლიანად მსოფლიო ფეხბურთში. რამოსი არის მოთამაშე, რომელიც ყოველთვის ბოლომდე იხარჯება და ცდილობს, წარმატებული იყოს.“
„ლუკა მოდრიჩის ტრავმა სამწუხაროა, თანაც იმ ფონზე, რომ წინ მნიშვნელოვანი მატჩები გველის. ხორვატის გამოჯანმრთელებას მოუთმენლად დაველოდებით.“
„ვინიციუს ჟუნიორზე დიდ გათვლას ვაკეთებ, მაგრამ მან არ უნდა მიიღოს ფსიქოლოგიური წნეხი. ბრაზილიელი ხან ითამაშებს, ხან არა. ყველაფერს გავაკეთებ, რომ ახალგაზრდა შემტევმა ბევრი ასპექტი დახვეწოს და სამომავლოდ კლუბის უდავო ლიდერი გახდეს.“
„ქულები დავკარგეთ, ვაჩვენეთ როგორც კარგი, ასევე ცუდი თამაში. ეს სეზონის სტარტია და ვფიქრობ, რომ ახლა პროგრესის ჩვენების დროა.“
„21 დღეში 7 მატჩის ჩატარება გვიწევს და მოდით ტრანსფერებზე ნუ ვისაუბრებთ. ახლა მხოლოდ მატჩებზე კონცენტრირების დროა.“
„ლუკიტა დავკარგეთ, მაგრამ მივიღეთ აზარი და ხამესი. ორივე მოთამაშე უდიდეს დახმარებას გაგვიწევს.“
„არეოლა და კეილორი? ნავასს საუკეთესოს ვუსურვებ, ალფონსი კი უკვე ჩვენი ფეხბურთელია.“
„აზართან მიმართებაში სიფრთხილე გვმართებს. ბელგიელმა სულ ახლახანს მოიშუშა ტრავმა და მეტისმეტი გადატვირთვა კარგი შედეგის მომტანი არ იქნება.“
„ფიფას რეიტინგები? ამაზე განცხადებას არ გავაკეთებ. მე მხოლოდ მატჩებზე ვარ კონცენტრირებული.“
- 13 სექტემბერი 2019
- 4266
- 18
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
