მარსელო: მოდუნების უფლება არ გვაქვს
"ბლანკოსის" ბრაზილიელმა ახალგაზრდა ფეხბურთელმა, მარსელო ვიეირამ განაცხადა, რომ სამეფო კლუბს არ აქვს მოდუნების უფლება. პელეგრინის შეგირდების მიზანია 98 ქულის მოპოვება, რომელიც ლა ლიგის მოგების ტოლფასი იქნება...
"ჩვენთვის მთავარია დარჩენილი 4 ფინალის მოგება, შემდეგ კი აუცილებლად ვიზეიმებთ ჩემპიონობას, დარწმუნებული ვარ შევძლებთ დარჩენილი 4 ურთულესი შეხვედრის მოგებას და სატურნირო ცხრილში პირველ ადგილზე გადანაცვლებას".
"მოდუნების უფლება არ გვაქვს. მთავარია მაქსიმალური კონცენტრაციის მოხდენა. თითოეული ფეხბურთელი მხოლოდ და მხოლოდ დარჩენილ მატჩებზე ფიქრობს, ჩვენთვის მთავარია მწვრთნელის დავალებების საუკეთესოდ შესრულება".
"მანუელ პელეგრინი შესანიშნავი მწვრთნელია, ჩილელი სპეცილიასტი ახალგაზრდა ფეხბურთელებს სრულ ნდობას გვიცხადებს და ამით ძალიან ბედნიერი ვარ, მის პროფესიონალიზმში არასდროს შემპარვია ეჭვი. ვგონებ, იგი "რეალს" ისეთ დონეზე აიყვანს, როგორიც ამ შესანიშნავ კლუბს ეკადრება".
"ჩვენი შემდეგი მეტოქე ოსასუნაა. მატჩი ბერნაბეუზე გაიმართება და ჩვენ რა თქმა უნდა ორმაგი პასუხისმგებლობით გავალთ მოედანზე და გავახარებთ მოსულ გულშემატკივარს".
- 27 აპრილი 2010
- 1958
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
