ზიდანი ხამესის და ისკოს ერთად დატოვებას არ გეგმავს
ზინედინ ზიდანმა ისკო ალარკონსა და ხამეს როდრიგესს შორის არჩევანი უნდა გააკეთოს...
ვრცელდება ინფორმაცია, რომ ფრანგი სპეციალისტი ესპანელ და კოლუმბიელ ფეხბურთელს შორის არჩევანს გააკეთებს.
მადრიდის „რეალი“ ორიდან ერთს აუცილებლად გაყიდის.
ესპანური გამოცემების ინფორმაციით, „ბლანკოსი“ პოგბას, ერიკსენს ან ვან დე ბეეკს აუცილებლად დაიმატებს, ამ ყველაფრის ფონზე კი ისკოსა და ხამესის ერთად დარჩენა უკვე ძალიან დიდი რესურსი იქნება, რომელიც რთულად ასათვისებელი გახდება.
გუნდის ნახევარდაცვაში კაზემირო, კროოსი, მოდრიჩი, ისკო, ხამესი, პოგბა დიდი ფუფუნებაა, თუმცა ყველა ჩამოთვლილ ფეხბურთელს დიდი პრეტენზია ექნება სასტარტოზე და სათადარიგოთა სკამზე დაჯდომით არცერთი არ დაკმაყოფილდება.
გარდა ამისა, პერესმა აუცილებლად უნდა მოახდინოს შემოსავლების მობილიზება, რისთვისაც ხამესის ან ისკოს გაყიდვა იდეალური ვარიანტია, ამ შემთხვევაში კლუბის ბიუჯეტი საკმაოდ სოლიდურ თანხას მიიღებს.
- 1 აგვისტო 2019
- 2168
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
