იოვიჩი:„ბენზემასთან კონკურენცია? როდესაც ის „რეალში“ გადავიდა, 11 წლის ვიყავი“
ლუკა იოვიჩმა „რეალის“ ფეხბურთელის რანგში პირველი პრესკონფერენცია გამართა...
„აქ ყოფნა ჩემთვის უდიდესი პატივია. ძალიან მაღალი რანგის ფეხბურთელებთან ერთად მომიწევს თამაში, რაც დამეხმარება იმაში, რომ უფრო მეტს მივაღწიო.“
„კონკურენცია ბენზემასთან? როდესაც ფრანგი ფეხბურთელი სამეფო კლუბს შეუერთდა, მე 11 წლის ვიყავი, ახლა დასკვნები თქვენ გამოიტანეთ.“
„რონალდუ ჩემი კერპი იყო, მისი თამაშის მანერა ყოველთვის აღმაფრთოვანებდა, მაგრამ ახლა ფეხბურთელების გამოყოფა არ მსურს. პორტუგალიელი „რეალს“ არ ეკუთვნის, ამიტომ საუბარიც ზედმეტად მიმაჩნია.“
„აქ მოვედი იმისთვის, რომ ვითამაშო ბევრი, ვიბრძოლო ბევრი და დიდი წვლილი შევიტანო სამეფო კლუბის წარმატებაში. გეგმებს არ ვაწყობ და არც იმას ვიტყვი, რამდენი გოლის გატანას ვგეგმავ. ბევრს ვიმუშავებ და ვეცდები, რომ გუნდის შეუცვლელი წევრი გავხდე, დანარჩენს მომავალი გვიჩვენებს.„
„„ბარსელონას“, „სიტის“, „იუნაიტედის“ და სხვების შემოთავაზება? მე ამ საკითხებს არ ვეხები, ვინაიდან ყველაფერს ჩემი აგენტი განიხილავს. „რეალში“ იმიტომ მოვედი, რომ „ბარსას“, „სიტის“ და სხვებს შევუტიო, მოვალეობა სწორედ ეს არის. მე მათთან აღარანაირი კავშირი არ მაქვს და მხოლოდ „რეალზე“ ვფიქრობ, ჩემი გუნდი უკვე ცნობილია.“
„როგორც ყველა ფეხბურთელის, ასევე ჩემი ოცნებაა ჩემპიონთა ლიგის მოგება და ამისათვის ყველაფერს გავაკეთებ.“
„გულშემატკივრებს ტიტულები სურთ. მოთხოვნა ძალიან მაღალია, „რეალზე“ ბევრი ინფორმაცია მამცნეს. ის, რაც ახლა შემიძლია მხოლოდ დაპირებაა, რომ 100%-ით დავიხარჯები და არ დავუშვებ, რომ გუნდს პრობლემები ჰქონდეს. სეზონის დაწყებისთანავე ვეცდები მაქსიმუმის ჩვენებას, დანარჩენს მომავალი გვიჩვენებს.“
„კონკურენციის არ მეშინია. როდესაც გადაწყვეტილება მივიღე, ვიცოდი სად მოვდიოდი და რა მელოდა. მე მჯერა საკუთარი შესაძლებლობების და ვეცდები, რომ მაქსიმუმი გავიღო.“
„რას ვისურვებდი? ლა ლიგის პირველ 5 ტურში 5 გოლის გატანას.“
„ენის ბარიერი არსებობს, თუმცა ამასაც დავძლევ. კომუნიკაცია ჯერ-ჯერობით არავისთან მქონია. ლუკა მოდრიჩთან კონტაქტი არ გამიჭირდება.“
„ბენზემასთან ერთად თამაში? არც ამას გამოვრიცხავ, მე ვეცდეიბ, რომ ყველანაირ სტილში ჩავჯდე, თუმცა ძირითად თერთმეტეულს და გუნდის ტაქტიკას მწვრთნელი წყვეტს, ეს ხომ მისი უფლებამოსილებაა.“
„ედენ აზარი? ის არის მსოფლიო მასშტაბის ვარსკვლავი და მოხარული ვარ, რომ „ბლანკოსის“ ღირსებას დაიცავს.“
„როდესაც მოედანზე შევედი ჩემ გვარს სკანდირებდნენ. იმედი მაქვს, ბევრი მატჩის შემდეგ მოვისმენ მსგავს შეძახილებს.“
„ბოლოს მსურს, ყველას დიდი მადლობა გადავუხადო მხარდაჭერისათვის და თანადგომისათვის, ეს დღე ჩემ ცხოვრებაში სამუდამოდ ჩაიწერება.“
- 12 ივნისი 2019
- 11924
- 52
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
