პელეგრინი სულ უფრო და უფრო შორდება ფეხბურთელებს და პრეზიდენტს, ამის დამამტკიცებელად შეგვიძლია მოვიყვანოთ ჩილელი სპეციალისტის მიერ ესპანური რადიოსთვის მიცემული ინტერვიუ: "მე პრეზიდენტს არც ისე ხშირად ვესაუბრები."

ამას მოყვა შემდეგში მისი ახალი განცხადება: "მათ მე მომდევნო სეზონზე სასაუბროდ არ დავუბარებივართ."

"მადრიდის რეალის" პრეზიდენტმა ფლორენტინო პერესმა კლუბში დიდი ინვესტიციები ჩადო და არაა გასაკვირი თუ მას სურს შედეგის ნახვა, ისევე როგორც ამას "ბლანკოსების" გულშემატკივრები ელიან.

ფლორენტინო პერესი შეიძლება ეხლა "ბარსელონას" მწვრთნელ პეპ გვარდიოლაზე ოცნებობდეს, მაგრამ ეს ისეთივე პრესტიჟული კლუბისთვისაც კი , როგორიც "მადრიდის რეალია" უბრალოდ წარმოუდგენელია.

ამასობაში, როცა მსოფლიოს წამყვანი საფეხბურთო გამომცემლობები შესაძლო კანდიდატურად მოიხსენიებენ ჟოზე მაურინიოს, რაფაელ ბენიტესს, კარლო ანჩელოტის და ფაბიო კაპელოს, ესპანურმა ვებ–გვერდმა 20minutos.es–მა ყველაზე მოულოდნელი სტატია გამოაქვეყნა.

სტატია ასე იწყება: "ფლორენტინოს (პერესი) საკუთარი გვარდიოლა სურს". კითხვა კი შემდგომში მდგომარეობს, ვინაა პერესის გვარდიოლა?

ამ კითხვაზე პასუხი კი "ხეტაფეს" ამჟამინდელი მთავარი მწვრთნელი მიჩელია: ადამიანი, რომელმაც "თეთრების" რიგებში 400–მდე შეხვედრა ჩაატარა. ეხლა კი მადრიდის ერთ–ერთი გარეუბნის კლუბს ხელმძღვანელობს.

ამ სეზონში "ხეტაფე" მე–8 ადგილზეა და მას ასევე აქვს საშუალება უეფას ევრო ლიგაზე გასასვლელი ადგილი მოიპოვოს.

რობერტო სოლდადომ, რომელიც "მადრიდის რეალის" აღზრდილია 12 გოლის გატანა მოახერხა და ეს მაშინ, როცა ნახევარდაცვის არც თუ ისე კარგი მხარდაჭერით სარგებლობს. ფაქტია, რომ მიჩელმა იცის, თუ როგორ უნდა გამოიყენოს მის ხელთ არსებული რესურსები მაქსიმალური შედეგების მისაღწევად.

როგორც 20minutos.es იუწყება მიჩელი "მადრიდის რეალისთვის" იდეალური ვარიანტი იქნება, ვინაიდან მან იცის, თუ როგორ უნდა მიუდგეს ფეხბურთელებს (პელეგრინისგან განსხვავებით).