სეზონი დამთავრდა, „ცხელი ზაფხული“ იწყება
მადრიდის „რეალმა“ სეზონი სრული კოლაფსით დაასრულა. გარდა იმისა, რომ გუნდმა ვერცერთი ტიტული ვერ მოიგო, თამაშის ხარისხიც კატასტროფულია, აქედან გამომდინარე, ქომაგები ზიდანისგან ძირეულ ცვლილებებს ითხოვენ...
„ცხელი ზაფხული“ იწყება. კეილორ ნავასი ქომაგებს უკვე გამოემშვიდობა, მან ბერნაბეუზე სურათებიც გადაიღო და ცნობილი გახდა, რომ ესპანეთის დედაქალაქს ემშვიდობება.
კლუბიდან მიდიან ლუკა ზიდანი, გარეთ ბეილი და ხამეს როდრიგესი, რომელიც გერმანიაში ბუნდესლიგის მფლობელი გახდა და სულ მალე ესპანეთის დედაქალაქში დაბრუნდება, მისი ორწლიანი საიჯარო ხელშეკრულება იწურება.
გარდა ამისა „მერენგებიდან“ არაერთი ფეხბურთელის წასვლას ელოდებიან.
დღის წესრიგში დგას პოლ პოგბას, ედენ აზარის, ლუკა იოვიჩის, ნდომბელეს, ფერლან მენდის და სხვების ტრანსფერებიც.
ხვალიდან ზინედინ ზიდანი და ფლორენტინო პერესი სრულად გადაერთვებიან სატრანსფერო პოლიტიკის წარმოებაზე, ვინაიდან მათ საზრუნავი მატჩების მოგება აღარ არის.
- 20 მაი 2019
- 2858
- 14
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
