ზიდანი:„„ბარსელონას“ ლიგიდან გამოთიშვა „რეალისთვის“ არაფერს ცვლის“
ზინედინ ზიდანმა „სოსიედადთან“ მატჩის წინ პრესკონფერენცია გამართა...
„„ბარსელონას“ ჩემპიონთა ლიგიდან გამოთიშვა? ვფიქრობ, ეს „რეალისთვის“ არაფერს ცვლის.“
„ერნესტო ვალვერდეს ცუდი სეზონი არ აქვს, მან უკვე მოიგო ლა ლიგა, რაც საკმაოდ რთულია, ასევე იმყოფება სამეფო თასის ფინალში, ის დიდი პროფესიონალია.“
„ის, რაც ჩვენ ჩემპიონთა ლიგაზე გავაკეთეთ ნამდვილად ისტორიული იყო, მაგრამ აუცილებელია, რომ გუნდმა ლა ლიგაშიც მოუმატოს და შიდა ჩემპიონატის მოგებაზე ხშირად იფიქროს.“
„ტრანსფერები? თქვენ ამ საკითხზე რამდენის მოგესურვებათ, იმდენჯერ მკითხავთ, მაგრამ სულ ერთსა და იმავეს გიპასუხებთ. მე და ხელმძღვანელობა ყველაფერს ვაკეთებთ იმისათვის, რომ „ბლანკოსი“ კვლავ მსოფლიოს საუკეთესო კლუბად ვაქციოთ და ყველა ტიტულზე გამოვაცხადოთ პრეტენზიას. ეს პრესკონფერენცია ეხება „სოსიედადთან“ მატჩს, ახალ ფეხბურთელებზე კი ზაფხულში ვისაუბროთ.“
„„სოსიედადი“ საშინაო არენაზე ყოველთვის მოწოდების სიმაღლეზე დგას, ჩვენ მოტივაციით ვითამაშებთ და ვეცდებით, რომ „ანოეტადან“ 3 ქულა წამოვიღოთ.“
„ჩემი საუბრები ფეხბურთელებთან საიდუმლოა და განხილვას არ ექვემდებარება. იციან თუ არა მოთამაშეებმა ვინ მიდის და ვინ რჩება? არის ნაწილი, რომელმაც საკუთარი მომავალი უკვე გაარკვია.“
„მარკოს ლორენტე შესანიშნავი ფეხბურთელია.“
„ბრაჰიმ დიასი სულ რაღაც 19 წლის არის, მასთან დაკავშირებით გადაწყვეტილებას ზაფხულში მივიღებ.“
„პოგბა? დამისახელეთ მწვრთნელი, ვისაც მისი შეძენა არ სურს. ახლა ფრანგი მანჩესტერელია და ტრანსფერზე საუბარი უაზროდ მიმაჩნია.“
„ბენზემა ბრუნდება, მიხარია, რომ ფრანგმა ტრავმა მოიშუშა და მზად არის.“
- 11 მაი 2019
- 4044
- 16
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
