ფლორენტინო პერესი:„გთავაზობთ ახალ პროექტს ზინედინ ზიდანთან ერთად!“
ფლორენტინო პერესმა ზინედინ ზიდანი წარადგინა...
„მადრიდის „რეალს“ ბოლო წლებში ბრწყინვალე ეპოქა ჰქონდა. შეიქმნა ისტორია, რომელსაც 5 წელიწადში ჩემპიონთა ლიგის 4 თასის მოგება ჰქვია. ეს ყველაფერი სწორედ იმ დიდი მუშაობის და შეუპოვარი ბრძოლის შედეგია, რომელიც სამეფო კლუბის ფეხბურთელებმა გვიჩვენეს. უნდა ვაღიაროთ, რომ მიმდინარე წელი ჩვენი კლუბისთვის წარუმატებელი გამოდგა და ვერ ვაჩვენეთ ის შედეგები, რომელსაც ველოდით, თუმცა ყველაფერი წარმავალია და ხელმძღვანელობა ყველაფერს აკეთებს იმისათვის, რომ გუნდის მოწოდების სიმაღლეზე იდგეს და უმაღლესი დონის ფეხბურთი ითამაშოს.“
„დიდი მადლობა სანტიაგო სოლარის. არგენტინელი სპეციალისტი არის „რეალის“ ერთგული გულშემატკივარი, რომელიც შეუპოვრად იბრძოდა ამ კლუბის წარმატებისთვის. ჩვენ ყველაფერს გავაკეთებთ იმისათვის, რომ სოლარი ახლოს იყოს „ბლანკოსთან“ და დიდი წვლილი შეიტანოს კლუბის წარმატებაში, ის შესანიშნავად ართმევდა თავს ნაკისრ ვალდებულებებს. ისევ და ისევ დიდი მადლობა სანტიაგოს.“
„ზიზუ, კეთილო იყოს შენი მობრძანება სამეფო კლუბში. ხმამაღლა შემიძლია ვთქვა, რომ დედაქალაქურ კლუბს სათავეში მსოფლიოს საუკეთესო მწვრთნელი ჩაუდგა და ამით კიდევ ერთხელ დაამტკიცა ის ერთგულება და სიყვარული, რომელიც „რეალის“ მიმართ აქვს. ფრანგი სპეციალისტი კლუბში ბრუნდება იმისათვის, რომ განახორციელოს სრულიად ახალი პროექტი, მოიგოს უამრავი ტიტული და შექმნას ახალი ისტორია.“
„ზიდანი კლუბის სიმბოლოა. როდესაც ჩვენს ზინედინს დაბრუნება შევთავაზეთ, მხარდაჭერა და დიდი ერთგულება ვიგრძენით, რისთვისაც დიდი მადლობა ადამიანს, რომელმაც შეუძლებელი შეძლო და ჩემპიონთა ლიგა ზედიზედ სამჯერ მოიგო. ჩვენ ეპოქალური პიროვნების წინაშე ვდგავართ და მსურს კიდევ ერთხელ აღვნიშნო, რომ ზინედინ ზიდანი მადრიდის „რეალის“ სიმბოლოა.“
- 11 მარტი 2019
- 5502
- 56
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
