სოლარი:„ვიყიდეთ ფეხბურთელი, რომელიც ოქროს ბურთს მოიგებს“
სანტიაგო სოლარიმ მადრიდულ დერბიში წარმატების შემდეგ პრესკონფერენცია გამართა...
„მე ვფიქრობ, რომ დეკემბრის თვის შემდეგ ერთ-ერთი საუკეთესო თამაში გავმართეთ. „მეტროპოლიტანოზე“ „ატლეტიკოს“ სტილის გუნდის წინააღმდეგ ასეთი ინტენსიური, სწრაფი და კომბინაციური თამაში იოლი არ არის. ეს არის გუნდური სულისკვეთების დამსახურება.“
„ვინიციუს ჟუნიორი სულ რაღა 18 წლის არის, ზოგიერთ ჩვენთაგანს შესაძლოა ბრაზილიელის წლოვანების შვილიც კი ჰყავდეს. ეს ადამიანი არანორმალური მოტივაციის და შემართების მატარებელია. რაც მთავარია ვინიციუსი ბოლომდე იხარჯება და ცდილობს, რომ საკუთარი შესაძლებლობები გვაჩვენოს, ის დიდ გამოცდილებას იღებს და ყველა მატჩში ახლაი თვისებებით გვამახსოვრებს თავს. თამამად შემიძლია ვთქვა, რომ ვიყიდეთ ფეხბურთელი, რომელიც ოქროს ბურთს მოიგებს. მე მჯერა, რომ ვინიციუსი საუკეთესოდ დასახელდება და ეს დრო მალე დადგება.“
„გამარჯვებაში 95%-იანი წვლილი ფეხბურთელებს შეაქვთ, ხოლო დანარჩენი სამწვრთნელო შტაბს. მერწმუნეთ, ძალიან დიდი შემართება რომ არა, დღეს ასეთ გამარჯვებას ვერ მოვიპოვებდით.“
„რეგილონი ერთგული და თავდაჯერებული ფეხბურთელია. მე ვთვლი, რომ მას უდიდესი მომავალი აქვს, თუ ასეთ ტემპში განაგრძობს თამაშს, ძალიან მალე გახდება „ბლანკოსის“ უცვლელი წევრი.“
„გარეთ ბეილმა გადამწყვეტი გოლი გაიტანა. უელსელმა ფეხბურთელმა გამარჯვებაში უდიდესი წვლილი შეიტანა.“
„მსაჯების გადაწყვეტილებებზე ახლა ვერ ვისაუბრებ, მე მწვრთნელი ვარ და ვერ ვხედავ მომენტების გამეორებას. ვიმედოვნებ, რომ არბიტრების გადაწყვეტილებები სწორი იყო.“
„„აიაქსი“ ურთულესი მეტოქე იქნება, მაგრამ ჩვენ გვჯერა ჩვენი შესაძლებლობების.“
- 9 თებერვალი 2019
- 5462
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
