ვინიციუსი:„„რეალმა„ „ნოუ კამპზე“ დაამტკიცა, რომ „ბარსელონაზე“ ძლიერია“
ვინიციუს ჟუნიორმა პირველი ოფიციალური „ელ კლასიკო“ ითამაშა. ბრაზილიელი ფეხბურთელი მოედანზე 1 საათის განმავლობაში იყო და საკმაოდ ბევრი იაქტიურა...
„უბედნიერესი ვარ. „ნოუ კამპზე“ თამაში ჩემთვის დიდი გამოცდილება იყო. „ბარსელონა“ ურთულესი მეტოქეა, სწორედ ასეთ გუნდებთან ახალგაზრდა ფეხბურთელები უდიდეს გამოცდილებას იღებენ და მათ შორის მეც ვარ.“
„მიხარია, რომ სოლარი მენდო და სასტარტო შემადგენლობაში თამაშის საშუალება მომცა. ყოველდღიურად ბევრს ვშრომობ იმისათვის, რომ მოვუმატო.“
„„რეალმა“ „ნოუ კამპზე“ დაამტკიცა, რომ „ბარსელონაზე“ უკეთესი გუნდია. პირველ ტაიმში აბსოლუტური უპირატესობა გვქონდა და რამდენიმე გოლის გატანაც შეგვეძლო, თუმცა დასკვნით ფაზაში მოვიკოჭლებდით.“
„აუცილებლად უნდა აღვნიშნო ლუკა მოდრიჩისა და ტონი კროოსის საოცარი თამაში, ისინი უდიდეს ძალას ქმნიან.“
„ელ კლასიკოს“ დაწყებამდე მარსელო ჩემთან მოვიდა და მითხრა, რომ მესი არ იქნებოდა, თუმცა მოედანზე ჩემს წინააღმდეგ 90 000-ზე მეტი ადამიანი განეწყობოდა და მთავარი სწორედ ამის გაძლება იყო.“
- 7 თებერვალი 2019
- 1862
- 11
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
