ახალი კონტრაქტი და გაზრდილი ხელფასი მოდრიჩს!
ესპანური გამოცემები იუწყებიან, რომ მადრიდის „რეალის“ პრეზიდენტმა, ფლორენტინო პერესმა შესაბამისი ბრძანება გასცა და იურისტები უკვე მუშაობენ ლუკა მოდრიჩის ახალ კონტრაქტზე. ხორვატი ფეხბურთელი ყოვედლღიურად ამტკიცებს, რომ მის გარეშე „ბლანკოსს“ ძალიან გაუჭირდება...
მოქმედი ხელშეკრულება ლუკიტას 2020 წლის 30 ივნისს ეწურება.
„ას“-ის ინფორმაციით, პერესი მოდრიჩს გუნდში 2022 წლამდე დატოვებს და ხელფასს დაახლოებით 2 მილიონი ევროთი გაუზრდის.
2022 წელს მოდრიჩი 36 წლის იქნება და თავისუფლად შეეძლება, ან სამშობლოში დაბრუნება, ანაც ჩინეთში, აშშ-ში, იაპონიაში, ყატარში და სხვა მაღალანაზღაურებად ჩემპიონატებში წასვლა.
სხვა ინფორმაცია ამ საკითხთან დაკავშირებით ჯერ-ჯერობით არ ვრცელდება. „ას“ იუწყება, რომ მომდევნო 1 თვის განმავლობაში მოდრიჩი ხელშეკრულებას ხელს მოაწერს და ახალ გამოწვევას მიიღებს.
ლუკიტა „ბლანკოსის“ ფეხბურთელი 2012 წელს გახდა, მას შემდეგ ხორვატმა ფეხბურთელმა 4 ჩემპიონთა ლიგის თასი, 4 მსოფლიო საკლუბო ჩემპიონატი, 1 ლა ლიგა, 1 სამეფო თასი, 3 ევროპის სუპერთასი და 2 ესპანეთის სუპერთასი მოიგო.
მოდრიჩმა 287 მატჩი ჩაატარა, სადაც 16 გოლი და 44 საგოლე გადაცემა მიითვალა.
- 4 თებერვალი 2019
- 4196
- 61
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
