მარსელო „იუვენტუსში“ მიდის? „რეალმა“ შემცვლელი უკვე დაასახელა
ესპანური გამოცემები იუწყებიან, რომ მარსელო ვიეირა ტურინის „იუვენტუსთან“ ძალიან ახლოსაა. მიუხედავად იმისა, რომ ვიცე-კაპიტანმა ეს ჭორი უარყო, მითქმა-მოთქმა არ წყდება...
bernabeudigital-ის ინფორმაციით, სანტიაგო სოლარისა და ვიცე-კაპიტანს შორის არც ისე კარგი ურთიერთობაა, ვინაიდან არგენტინელმა იცის, რომ ვიეირა „იუვენტუსთან“ ფარულად აწარმოებს მოლაპარაკებებს.
გასულ 2 მატჩში სასტარტოში არა მარსელო, არამედ რეგილონი გამოჩნდა, რაც ბრაზილიელის ჭარბ წონას დაბრალდა, მაგრამ ვრცელდება ინფორმაცია, რომ მთავარი მიზეზი ეს არ არის.
„იუვენტუსი“ მარსელოსთან გარიგებაზე კრიშტიანო რონალდუს გამო მიდის, ვინაიდან სწორედ პორტუგალიელს სურს განაპირა მცველის იტალიაში ხილვა.
თავის მხრივ, „ბლანკოსი“ ალტერნატივაზე არ ფიქრობს და თვლის, რომ რეგილონი შესანიშნავი კანდიდატურაა.
ვნახოთ, როგორ განვითარდება მოვლენები.
- 21 იანვარი 2019
- 4367
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
