ლოპეტეგი:,,მივმართავ ,,რეალის" გულშემატკივრებს და მხარდაჭერისკენ მოვუწოდებ"
ჟულიენ ლოპეტეგიმ „ალავესთან“ მატჩის წინ პრესკონფერენცია გამართა...
„არ აქვს მნიშვნელობა მეტოქეს. ყველასთან გამარჯვებაზე ვფიქრობთ და ანალოგიური იქნება „ალავესთან“ შეხვედრაშიც.“
„მივიღე გადაწყვეტილება, რომ გუნდი ხვალ გაფრინდება და არა დღეს. რატომ? იმიტომ, რომ საჭიროების ადგილზე ჩასაფრენად მხოლოდ 20 წუთი გვჭირდება, აქედან გამომდინარე, დიდ პრობლემას ვერ ვხედავ.“
„არ მაინტერესებს კრიტიკოსების და ჟურნალისტების აზრები, თუმცა იმის თქმა შემიძლია, რომ გუნდმა „ატლეტიკოსთან“ და „ცსკა“-სთან გამარჯვება დაიმსახურა, ჩვენ ნამდვილად მოწოდების სიმაღლეზე ვიდექით. სექტემბერი რთული იყო, მაგრამ ოქტომბერი ბევრად კარგი იქნება, ამაში დარწმუნებული ვარ.“
„მარსელო და კარვახალი არამხოლოდ დაცვის ფლანგებს, არამედ შეტევასაც აძლიერებენ, მათ გარეშე თამაში გაგვიჭირდება, მაგრამ შევძლებთ.“
„ყველა თამაში გადამწყვეტია მითუმეტეს ლა ლიგაში, სადაც თითოეულ ქულას უდიდესი მნიშვნელობა აქვს. კიდევ ერთხელ ვიმეორებ, არ ვაქცევ ყურადღებას პრესაში გავრცელებულ სისულელეებს, მხოლოდ გუნდის წარმატებაზე ვარ ორიენტირებული.“
„ყველას აზრს და კრიტიკას პატივს ვცემ, მაგრამ ხშირ შემთხვევაში არ ვიზიარებ. ვთვლი, რომ ამ გუნდს დიდი შედეგების დაფიქსირება შეუძლია.“
„კრიზისი? ვერ ვიტყვი, რომ კოლექტივში კრიზისია, ამას „ალავესთანაც“ დავამტკიცებთ და შემდეგ მატჩებშიც.“
„ბეილი ჩვენთანაა, მას დისკომფორტი აღარ აწუხებს. არ მიყვარს რისკი, ამიტომ უელსელმა დაისვენა.“
„მსურს მივმართო „რეალის“ გულშემატკივრებს და ვთხოვო, რომ მაქსიმალური მხარდაჭერა გამოგვიცხადონ, ჩვენთვის ეს მნიშვნელოვანია.“
- 5 ოქტომბერი 2018
- 4136
- 18
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
